ДЕ ТУТАР СА КИ СЛУЖБА | ОВ ПОБАХТАЛО КИ СЛУЖБА
Трудин тут те ресе џи ко вило
И послушност спрема о Девел авела таро вило (Из 3:1). Адалеске кеда сикаваја, ваљани те реса џи ко вило околенгоро со шунена амен. Сар?
Ма сикав е интересенте само библиска чачипа, него поможин леске те хаљовел сар адала чачипа влијајнена ко лескоро живото хем ко лескоро амалипе е Јеховаја. Поможин леске те хаљовел сар о библиска мерилија сикавена е Девлескоро мангипе, шукарипе хем правда. Пуч ле тактична хем љубезна пучиба кола со ка поможинен леске те вакерел сар осетинела пе башо адава со сиклило. Поможин леске те размислинел башо адава сар лескоро живото ка овел пошукар ако менинела несаве лошна ставија или навике. Кеда дикхеа кај о интересенти искрено мангела е Јехова, ка ове панда побахтало.
ДИКХ О ВИДЕОКЛИПИ ОВ БАХТАЛО ЏИКОТЕ КЕРЕА УЧЕНИКИЈА — КЕР ПОШУКАР И СЛУЖБА: ТРУДИН ТУТ ТЕ РЕСЕ ЏИ КО ВИЛО, А ПАЛО АДАВА ОДГОВОРИН КО АКАЛА ПУЧИБА:
-
Соске и Нита пучља е Џејда: „Со мислинеа башо адава со керѓем лафи понеделник?“
-
Сар и Нита поможинѓа е Џејдаке те хаљовел сар о библиска мерилија сикавена кај о Јехова мангела ла?
-
Ако трудинаја амен те реса џи ко вило е интересентескоро, ка овел поттикнимо те напредујнел
Сар и Нита поможинѓа е Џејдаке те сикавел кај мангела е Девле?
