И Библија вакерела аменге те поштујна е попхуре христијанен сар даја хем дада, а е потернен сар пхраља хем пхења. (Читин 1. Тимотеј 5:1, 2.) Посебно о пхраља ваљани те понашинен пе е пхењенцар достоинствено хем те поштујнен лен.

Јекх пхрал никогаш на ваљани те флертујнел јекхе пхењаја или те керел нешто колеа со и пхен ка осетинел пе незгодно узи лесте (Јов 31:1). Јекх пхрал со нане ко брако никогаш на ваљани те кхелел песке несаве пхењакере чувствонцар аѓаар со ка керел те мислинел кај мангела те овел лаја ки врска, а уствари нане ле сериозна намере.

О старешине ваљани љубезно те шунен јекхе пхења кеда вакерела нешто или пучела нешто хем те лен ко предвид адава. Ола тане посебно обѕирна спрема окола со нане лен ром со шај те заштитинел лен (Рут 2:8, 9).

ДИКХ О ВИДЕОКЛИПИ ПОНАДАРИ ДА СИКАВ МАНГИПЕ КО СОБРАНИЕ — СПРЕМА О УДОВИЦЕ ХЕМ О ЧХАВЕ БИЗО РОДИТЕЛИ, А ПАЛО АДАВА ОДГОВОРИН КО АКАЛА ПУЧИБА:

• Сар о собрание сикавѓа кај бут мангела е пхења Минт?

• Сар адава со о собрание сикавѓа мангипе, денѓа шукар сведоштво е манушенге таро адава тхан?

• Сар влијајнѓа о мангипе со сикавѓа о собрание упро чхаја е пхењакере Минт?

Ко саве практична начинија шај те сикаве кај грижинеа тут е пхењенге ко тло собрание?