Ко масек септември ка да амендар са те нудина библиска курсија секоле манушеске аѓаар со ка користина и брошура Ов бахтало засекогаш. О објавителија шај те биринен те овен помошна пионерија 30 саатенцар. Сар ка кера акаја посебно акција?

• Кеда кереа лафи прво пути: Користин и палуни страна тари брошура те шај те бајраре о интерес е манушенгоро, хем пробин те сикаве сар шај те почминел пе библиско курси. Исто аѓаар, ма бистре те џа ко окола со сикавѓе интерес англедер хем ко тле повторна посете. Чак адала со одбинѓе англедер те проучинен, шај ка интересинел лен о нево начин сар проучинела пе хем и брошура. И брошура на ваљани те мукхел пе ако нане о мануша кхере или те бичхалел пе преку писмо околенге со англедер на сикавѓе интерес. О Одбор е собраниескоро шај те организиринел јавера да состанокија службаке ко адава масек.

• Ко јавера прилике: Ако тло собрание користинела количке проповедибаске, нека овел изложими и брошура Ов бахтало засекогаш. Вакер околенге со сикавѓе интерес кај заедно е брошураја шај те овел лен бесплатно библиско курси. Сикав кратко сар изглединела јекх библиско курси џикоте кереа е манушеа лафи, или договорин тут те кере адава ки јавер прилика. О надгледнико баши служба шај те организиринел о искусна објавителија те џан ко деловна подрачја хем те нудинен библиска курсија. Исто аѓаар, шај те нудине библиско курси тле колегенге ки бути или е манушенге џикоте сведочинеа неформално.

О Исус денѓа амен заповед те кера ученикија хем те сикава лен (Мт 28:19, 20). Акаја посебно акција шај те поможинел амен те исполнина акаја задача аѓаар со ка користина и брошура Ов бахтало засекогаш.