СОСКЕ ТАНО ВАЖНО: Кеда лично проучинаја е Девлескоро Лафи адава поможинела аменге целосно те хаљова „кобор тано бувло, дугачко, учо хем хор о чачипе“ (Еф 3:18). Адава поможинела аменге те ачхова беспрекорна хем чиста ко акава румимо свето хем цврсто те икера амен ко „лафи е животоскоро“ (Фп 2:15, 16). Кеда коркори проучинаја е Девлескоро Лафи, шај те бирина аменге материјали сој тано лично аменге потребно. Сар шај те овел амен побари корист таро читибе хем проучибе и Библија?

САР ТЕ КЕРА АДАВА:

• Бележин о стихија хем кер туке белешке ки тли Библија, бизи разлика дали ко печатимо или ко електронско формати.

• Џикоте читинеа е Девлескоро Лафи, пуч тут акала пучиба: Кој? Со? Кеда? Коте? Соске? Сар?

• Дознајн повише информацие. Користин о алатке истражибаске со иси тут, хем роде спрема и тема или спрема о библиско стихо.

• Размислин башо адава со читинеа те шај те хаљове сар шај те користинел туке.

• Применин адава со сикљовеа (Лк 6:47, 48).

ДИКХ О ВИДЕОКЛИПИ ЦВРСТО ИКЕР ТУТ КО „ЛАФИ Е ЖИВОТОСКОРО“ — ТЕМЕЛНО ПРОУЧИН, ХЕМ ПАЛО АДАВА ОДГОВОРИН КО АКАЛА ПУЧИБА:

• Со вакерена несаве башо лично проучибе?

• Соске тано важно секогаш кеда мангаја те проучина прво те молина амен?

• Со шај те поможинел аменге пошукар те хаљова несаво библиско стихо?

• Сар шај те бележина несаве стихија ки амари Библија?

• Соске тано важно хор те размислина џикоте проучинаја и Библија?

• Со ваљани те кера откеда ка сикљова нешто?