Сар со аваја са попаше ко крајо таро „последна диве“, ка овен амен са побаре проблемија (2Ти 3:1; Мт 24:8). Кеда е Јеховаскоро народо соочинела пе катастрофенцар, често добинена упатствија ко време со шај те спасинен ленгоро живото. Дали ка преживина тегани, зависинела таро адава дали сием послушна хем дали спреминаја амен панда акана — сар ко духовно, аѓаар ко физичко поглед (Лк 16:10).

• Спремин тут ко духовно поглед: Нека овел тут шукар рутина. Сикљов те кере и служба ко различна начинија. Ма вознемирин тут ако моментално сиан одвојмо таро собрание (Иса 30:15). Ту никогаш на сиан изолиримо таро Јехова хем таро Исус (od-MC 176, пас. 15-17).

• Спремин тут ко физичко поглед: Освен о ранција, секова кхер ваљани те овел ле ки разумно количина резерве таро хајбе, пани, медицинска буќа хем слично. Акала буќа шај те заштитинен е манушен башо повише време ако иси потреба те ачховен кхере или ко несаво јавер тхан (Из 22:3; g17.5-MC 4, 6).

ДИКХ О ВИДЕОКЛИПИ ДАЛИ СИАН СПРЕМНО БАШИ ПРИРОДНО КАТАСТРОФА?, А ПАЛО АДАВА ПУЧ:

• Сар шај те спремина амен ко духовно поглед башо катастрофе?

• Соске ваљани...

  • те овел амен шукар комуникација е старешиненцар?

  • те спремина ранцо буќенцар со ка овен аменге потребна?

  • те кера лафи башо адава со ка кера ако доживинаја несави катастрофа?

• Ко кола трин начинија шај те поможина околенге со доживинѓе катастрофа?

ПУЧ ТУТ: „Со шај те сикљовав тари пандемија КОВИД-19 башо адава кобор тано важно англедер те овав спремно баши катастрофа?“