Кеда сием воодушевиме, о мануша повише концентриринена пе те шунен адава со вакераја. Исто аѓаар, адалеа со сием воодушевиме сикаваја кај и порака со вакераја ла тани бут важно. Бизи разлика котар аваја или сави личност сием, амен шај те сикљова те ова воодушевиме (Ри 12:11). Сар?

Прво, размислин кобор тано важно адава со мангеа те вакере. Иси тут и предност те вакере „о шукар хабери башо шукар буќа!“ (Ри 10:15). Дујто, размислин сар о шукар хабери шај те керел пошукар о живото околенгоро со шунена тут. Чаче, бут тано важно о мануша те шунен о хабери башо Царство (Ри 10:13, 14). Хем сар трито, кер лафи таро вило. Тле чувствија ваљани јасно те дикхен пе таро тло искрено израз ко муј хем таро тле природна гестија.

ДИКХ О ВИДЕОКЛИПИ ОВ БАХТАЛО ЏИКОТЕ КЕРЕА УЧЕНИКИЈА — КЕР ПОШУКАР И СЛУЖБА: ОВ ВООДУШЕВИМО ЏИКОТЕ СИКАВЕА, А ПАЛО АДАВА ОДГОВОРИН КО АКАЛА ПУЧИБА:

• Соске и Нита нашавѓа пли воодушевеност башо пло библиско курси?

• Со поможинѓа е Нитаке палем те овел воодушевими?

• Соске ваљани те концентририна амен ко шуже особине е интересентенгере?

• Сар адава со ка ова воодушевиме шај те влијајнел упро мануша со проучинаја ленцар и Библија хем упро јавера?