Ки пли служба, о Исус користинѓа о актуелна настанија те шај те сикавел важна поуке (Лк 13:1-5). Ту да шај те користине о актуелна настанија те шај те бајраре е манушенгоро интерес башо шукар хабери. Откеда ка спомнине кобор тано пхаро о живото, несави природно катастрофа, граѓанска немирија, зависност тари дрога или нешто слично, тегани шај те пуче пучибе со ка поттикнинел е мануше те размислинел. Шај те пуче: „Дали мислинеа кај некогаш ка авел крајо башо...?“ или „Со мислинеа кова тано о решение башо...?“ Пало адава, читин јекх стихо сој поврзимо е темаја. Ако о мануш сикавела интерес, сикав леске јекх видеоклипи или де ле јекх таро амаре главна публикацие службаке. Џикоте трудинаја амен те реса џи ко вило е манушенгоро таро амаро подрачје, ваљани те да амендар са башо „шукар хабери“ (1Ко 9:22, 23).

Саве теме шај интересинена е манушен ко тло подрачје?