„О Јехова радујнела пе пле народоске“ (Пс 149:4). Иако сием несовршена, ов дикхела амаре шукар особине хем адава со шај те кера ки иднина. Ама, понекогаш шај те овел пхаро, амен коркори те дикха амаре шукар особине. О начин сар о јавера постапинена аменцар, шај керела те осетина амен кај на врединаја. Или, ако концентриринаја амен ко грешке со керѓем лен англедер, шај те сумнина амен дали о Јехова чаче мангела амен. Со ка поможинел аменге ако осетинаја амен аѓаар?

Ма бистре кај о Јехова дикхела адава со о мануша нашти те дикхен (1Са 16:7). Адава значинела кај ов дикхела повише него амен со шај те дикха ки аменде. Бут сием благодарна со и Библија поможинела аменге те хаљова сар о Јехова дикхела ки аменде. Адава шај те хаљова ако читинаја библиска стихија хем извештаија кола со сикавена кобор о Јехова мангела пле слуген.

ДИКХ О КЛИПИ УВЕРИН ТЛО ВИЛО КАЈ О ЈЕХОВА МАНГЕЛА ТУТ, А ПАЛО АДАВА ОДГОВОРИН КО АКАЛА ПУЧИБА:

• Со шај те сикљова башо адава сар о Јехова дикхела ки аменде тари споредба е тркачеа хем лескере дадеа?

  Тло одговор

• Ако некој со керѓа сериозно грево керела са те шај палем те овел ко шукар однос е Јеховаја, сар шај те овел уверимо кај о Јехова мангела ле? (1Јо 3:19, 20).

  Тло одговор

• Сар користинѓа е пхралеске со читинѓа хем хор размислинѓа башо извештаија таро Давид хем о Јосафат?

  Тло одговор