О неформална разговорија тане јекх таро најшуже хем најделотворна начинија те сведочинел пе. Ама, шај те дара те почмина разговор ако превише концентриринаја амен ко адава сар те насочина о разговор спрема и Библија. Наместо те концентририне тут ко адава со ка вакере те шај те сведочине, концентририн тут ко адава те сикаве лично интерес (Мт 22:39; Фп 2:4). Ако џикоте кереа лафи појавинела пе прилика те кере лафи башо чачипе, шај те користине бут публикацие со шај те поможинен тут.

Сар шај акала публикацие те поможинен туке те сведочине баши несави тема која со појавинела пе џикоте керена лафи?

ДИКХ О КЛИПИ „САСТРН САСТРНЕА ОШТРИНЕЛА ПЕ“ — ПОЧМИН РАЗГОВОРИЈА, А ПАЛО АДАВА ОДГОВОРИН КО АКАВА ПУЧИБЕ:

Кола трин чекорија шај те поможинен аменге те водина пошукар разговорија?