Ко периоди кеда тани и Спомен-свеченост иси амен шукар прилика те размислина башо берекетија со ка овен амен ки иднина преку и откупнина. Јекх таро берекетија тано о воскресение. О Јехова никогаш на мангља о мануша те мерен. Адалеске, најбари дукх осетинаја кеда мерела некој таро амаре мангле (1Ко 15:26). Е Исусеске сине бут пхаро кеда дикхља кобор лескере учениконге сине жал кеда муло о Лазар (Јвн 11:33-35). О Исус тано сар по Дад, адалеске шај те ова сигурна кај е Јеховаске да тано пхаро кеда дикхела кобор бут жалинаја пали некасте со муло амендар (Јвн 14:7). О Јехова едвај аџикерела о време кеда ка воскреснинел пле верна слуген. Амен да едвај аџикараја те овел адава (Јов 14:14, 15).

Адалеске со о Јехова тано Девел со иси ле редо, шај те ова сигурна кај о воскресение ка овел организиримо (1Ко 14:33, 40). Наместо те паруна е мулен, амен ка аџикера лен те воскреснинен. Дали размислинеа башо воскресение, посебно кеда ка мерел некој? (2Ко 4:17, 18). Дали благодаринеа е Јеховаске со денѓа и откупнина хем со вакерѓа аменге ки Библија кај о муле палем ка уштен? (Кол 3:15).

• Касте таро тле амала хем фамилија посебно мангеа те дикхе кеда ка воскреснинен?

• Коле мануше таро библиско време мангеа те запознање ле хем те кере леа лафи?