ТЕ ЏИВДИНА САР ХРИСТИЈАЊА
Те доџакера амаре гостон
Ко 23 март, аџикерела пе ки Спомен-свеченост те овен присутна околу 12 милионија мануша. Баро сведоштво ка овел ленге кеда ка шунен о говор со керела лафи баши откупнина со и тани поклон таро Јехова хем башо берекетија со ка анел са е манушенге (Иса 11:6-9; 35:5, 6; 65:21-23; Јвн 3:16). Ама, амен да шај те да сведоштво ко акава посебно настан. Сарине шај шукар те доџакера амаре гостон со ка авен ки Спомен-свеченост (Ри 15:7). Аке несаве предлогија.
-
Наместо одма те беша ко амаро тхан хем те аџикера те почминел и програма, шај те доџакера амаре гостон хем околен со нане активна аѓаар со љубезно ка поздравина амен ленцар
-
Шукар тано те сикава посебно внимание околенге со канинѓам лен амен. Ама, исто аѓаар, ваљани те сикава внимание е јаверенге да со добинѓе покана ки акција хем але. Пуч некас со ало прво пути дали мангела те бешел туја, хем те дикхен заедно тари тли Библија хем песнарка
-
Пало говор, вакер леске кај ако интересинела ле нешто, шај те пучел тут. Ако ваљани одма те икљовен тари сала те шај те авел јавер собрание, тегани договоринен тумен те посетине ле несаво јавер диве. Те шај те добине контакт-информацие, шај те вакере: „Мило манге со сиан сине ерат акате. Шај ли несар палем те ава ко контакт?“