ТЕ ЖИВИНА САР ХРИСТИЈАЊА
Поможин тле фамилијаке те на бистрел е Јехова
О Еремија добинѓа задача те предупрединел е Израелцон кај ка овен уништиме адалеске со бистерѓе е Јехова (Ере 13:25). Сар ало џи адава? О фамилие ко Ерусалим на сине више паше е Јеховаја. О поглаварија таро фамилие на икерена сине о упатствија со денѓа лен о Јехова ки 5. Мојсеева 6:5-7.
Авдиве, о фамилие сој тане духовно јака керена о собранија те овен стабилна. О поглаварија поможинена пле фамилијаке те на бистрен е Јехова аѓаар со икерена редовно и Фамилијарно рат, керена те овел ленге интересно хем корисно сариненге (Пс 22:27). Откеда ка дикхен о видеоклипи „Акала лафија чхив лен ко тло вило“ — Интервјуа е фамилиенцар, одговоринен ко акала пучиба:
-
Сар несаве фамилие успејнѓе те икерен редовно и Фамилијарно рат иако сине лен буќа со чхинавена лен?
-
Саве берекетија иси кеда и Фамилијарно рат икерела пе редовно, интересно хем корисно сариненге?
-
Кола тане несаве буќа со чхинавена ман те икерав и Фамилијарно рат, хем со ваљани те керав те шај те икерав ла редовно?