СОСКЕ ТАНО ВАЖНО: О лил 1. Коринќаните тано јекх таро 14 писмија со пишинѓа лен о Павле те шај те охрабринел е христијанен ко адава време. Кеда некој пишинела писмо, иси ле време шукар те размислинел кола лафија ка користинел. Освен адава, окова со добинѓа о писмо шај те читинел ле некобор пути. О писмија тане шукар начин сар шај те сведочине тле фамилијаке хем адаленге со на пенџареа лен. Исто аѓаар, ола тане бут корисна кеда мангаја те сведочина адаленге коленцар со нане амен прилика те кера лафи. На пример, некој шај сикавѓа интерес, ама пхаро тано палем те аракха ле кхере. Исто аѓаар, несаве манушен ко амаро подрачје тано пхаро те аракха лен соске живинена ко зграде коте со пхаре шај те кхувел пе андре, ко тхана кола сој пханле или, чак, ко несаве дур тхана. Со ваљани те овел амен ки годи кеда пишинаја писмија е манушенге колен со на пенџараја лен?

САР ТЕ КЕРА АДАВА:

• Пишин адава со би вакереа сине лично адале манушеске. Панда ко почеток пишин кој сиан хем која тани тли цел соске пишинеа о писмо. Шај те пуче несаво пучибе размислибаске хем те пишине леске баши амари интернет-страница. Тегани вакер сар шај те проучинел и Библија бесплатно, или пишин несаве насловија таро амаре публикацие проучибаске. Шај ко писмо те чхиве литература да сар на пример визит-картичка, покана или трактати.

• Ов кратко. Тло писмо на ваљани те овел бут баро те шај те на овел досадно околеске со ка читинел ле. (Дикх о писмо ки 8 страна.)

• Проверин те на овен грешке. Дикх дали тано јасно, дали шај шукар те читинел пе, дали тано пишимо ко јекх љубезно, тактично хем позитивно начин.