• Пишин тли адреса. Ако мислинеа кај нане мудро те пишине тли адреса, пуч е старешинен дали шај те пишине и адреса тари дворана хем те пишине тло анав хем презиме. Ама, НИКОГАШ на ваљани те користине и адреса тари подружница сар адреса ки која со ка иранел пе о писмо.

• Ако џанеа е станарескоро анав, тегани пишин ле. Аѓаар ка хаљол кај на керела пе лафи баши несави реклама, него кај о писмо тано лично леске.

• Пазин ко правопис, ки граматика хем ко интерпункциска знакија. О писмо ваљани те изглединел уредно. Ако пишинеа ле вастеа, тегани ваљани те пишине аѓаар со ка шај те читинел пе локхе. На ваљани те изразине тут бут официјално, ама ни бут неформално.

Ко акава писмо тано пазимо ко буќа сој спомниме поупре. Ов тано дендо само сар пример, хем и цел нане те препишинел пе секова лафи кеда мангеа некаске те сведочине. Секогаш кеда пишинеа писмо, ма бистре со мангеа адалеа те кере, хем исто аѓаар ле ко предвид о околностија хем и култура е манушенгири.