Секова берш посебно трудинаја амен те канина е манушен таро амаро подрачје те овен заедно аменцар ки Спомен-свеченост. Буте џенен лендар на џанаја лен. Ама исто аѓаар, ваљани те канина околен да со џанаја лен. Побари тани и веројатност те авел некој ако добинела покана некастар со пенџарела ле (yb08-SB 12, пас. 1; 14, пас. 2). Касте шај те канина?

• Е фамилија

• Е колеген хем е соученикон

• Е комшиен

• Е манушен со редовно посетинаја лен, а исто околен со проучинаја сине ленцар поангле и Библија или со проучинаја акана

Освен адава, о старешине ка канинен е пхрален хем е пхењен сој неактивна. Ама со ако ту мангеа те канине некас со пенџареа ле, а живинела ко јавер тхан? Тегани, шај те роде коте хем кеда ка икерел пе и Спомен-свеченост ко тхан коте со живинела аѓаар со ка џа ки jw.org ко дело АМЕНГЕ, хем ка роде „Спомен-свеченост“. Џикоте спреминеа тут акава берш баши Спомен-свеченост, размислин коле манушенге шај те де и покана, а пало адава џа лично канин лен.