Ки последно Пасха е Исусескири случинѓа пе нешто посебно. Адалеске со панда хари ваљанѓа те мерел, ов мангља те славинел и Пасха заедно пле апостоленцар хем те воспоставинел јекх нево настан кова со ка ваљани секова берш те славинен, е Господарескири вечера. Адалеске бичхалѓа е Петаре хем е Јоване те спреминен јекх соба (Лк 22:7-13; дикх и слика тари насловно страна). Акава аменде да поттикнинела те спремина амен баши Спомен-свеченост со ка икерел пе ко 27 март. О собранија најверојатно више керѓе несаве планија башо говорнико, башо симболија хем башо несаве јавера буќа. Ама, со шај секова јекх амендар те керел те шај те спреминел пе баши Спомен-свеченост?

Спремин тло вило. Следин о посебно распоред башо читибе и Библија баши Спомен-свеченост хем хор размислин башо адава со читинѓан. Акава распоред шај те аракхе ле ки брошурка Дивескоро стихо. Јекх подетално распоред шај те аракхе ко дело 16-А хем 16-Б тари брошурка Да ја истражуваме Божјата Реч. (Дикх хем Амаро живото хем служба — листија спремибаске таро април 2020.) О фамилие шај заедно те истражинен ки пли Фамилијарно рат кобор тани важно и откупнина. Информацие башо адава шај те аракхен ко Прирачникот за истражување на публикациите на Јеховините сведоци.

Канин е јаверен ки Спомен-свеченост. Учествујн кобор со шај повише ки акција баши Спомен-свеченост. Размислин кас шај те канине, на пример, некас со посетинеа, некас со англедер проучинѓан леа и Библија, тле фамилија или јаверен со пенџареа. О старешине ваљани те канинен околен сој тане неактивна. Ако мангеа некас те канине ама на живинела ко исто тхан коте со ту живинеа, тегани шај те џа ки jw.org ко дело АМЕНГЕ кова со аракхљовела упре тари интернет-страница хем мечин ко „Спомен-свеченост“. Адатхе шај те дознајне коте хем ко кова време ка икерел пе и Спомен-свеченост ко тхан коте со ов живинела.

Саве јавера буќа шај те кера те шај те спремина амен баши Спомен-свеченост?