Адава со случинѓа пе е Израелцонге ко моавска рамнице служинела сар предупредување е христијаненге авдиве (1Ко 10:6, 8, 11). О Израелција керѓе сериозна гревија адалеске со почминѓе те дружинен пе е џувленцар таро Моав кола со сине неморална хем обожавинена сине ховавне Девлен. Адава анѓа џи ко страшна последице (4Мо 25:9). Авдиве да околу аменде иси бут мануша со на служинена е Јеховаске, сар на пример, амаре колеге, соученикија, комшие, фамилија хем јавера. Со сикљоваја таро акава библиско извештај башо адава кобор тано опасно те ова амала околенцар со на служинена е Јеховаске?

ДИКХ О ВИДЕОКЛИПИ ПРЕДУПРЕДУВАЧКА ПРИМЕРИЈА БАШО АМАРО ВРЕМЕ — ИЗВАДОК, А ПАЛО АДАВА ОДГОВОРИН КО АКАЛА ПУЧИБА:

• Кола погрешна ставија шај те приметина ко Зимриј хем ко јавера таро адава со вакерена сине е Јаминеске?

• Сар о Финес поможинѓа е Јаминеске те дикхел исправно ко буќа?

• Која тани и разлика машкар те понашине тут некасаја љубезно со на служинела е Јеховаске хем те ове лескоро амал?

• Соске ваљани те бирина чак ко собрание кој ка овел аменге паше амал?

• Соске ваљани те избегина групе ко социјална мреже коте со иси мануша со на џанаја лен лично?