ТЕ ЖИВИНА САР ХРИСТИЈАЊА
Трин начинија сар те овел тут доверба ко Јехова
О Давид побединѓа е Голијате адалеске со сине ле доверба ко Јехова (1Са 17:45). О Јехова мангела те користинел пли сила те шај те поможинел пле слугенге (2Ле 16:9). Сар шај амен те сикава кај иси амен доверба ко Јехова наместо ко амаро лично искуство хем способностија? Аке трин начинија:
-
Молин тут често. Освен со ка молине тут о Јехова те простинел туке откеда керѓан несави грешка, исто аѓаар роде сила те борине тут кеда иси тут искушение (Мт 6:12, 13). Освен со ка молине тут о Јехова те благословинел о одлуке кола со више анѓан лен, исто аѓаар роде водство хем мудрост англедер те ане одлуке (Јк 1:5)
-
Нека овел тут навика секова диве те читине хем те проучине и Библија. Читин и Библија секова диве (Пс 1:2). Размислин башо библиска примерија хем применин адава со сикљовеа (Јк 1:23-25). Спремин тут баши служба наместо те потприне тут ко искуство со стекнинѓан ле англедер. Нека овел тут целосно корист таро собраниска состанокија аѓаар со ка спремине тут башо материјали англедер
-
Соработин е Јеховаскере организацијаја. Ов ко тек е упатствонцар со дела е Јеховаскири организација хем одма применин лен (4Мо 9:17). Шун е старешинен кеда дена советија хем упатствија (Ев 13:17)
ДИКХ О КЛИПИ НАНЕ ПРИЧИНА ТЕ ДАРА ТАРО ПРОГОНСТВИЈА, А ПАЛО АДАВА ОДГОВОРИН КО АКАЛА ПУЧИБА:
• Башо со дарандиле о пхраља хем о пхења?
• Со поможинѓа ленге те накхавен и дар?