ДЕ ТУТАР СА КИ СЛУЖБА | ОВ ПОБАХТАЛО КИ СЛУЖБА
Поможин тле интересентенге те чхинавен е лошна навикенцар
Само окола сој тане морално чиста шај те овел лен паше амалипе е Јеховаја (1Пе 1:14-16). Кеда окола со проучинена и Библија чхинавена е лошна навикенцар, адава шај те овел ленге корисно ки фамилија, ко финансиско поглед хем те овел лен пошукар састипе.
Јасно објаснин е Јеховаскере морална мерилија, и причина соске тане денде хем сави корист ка овел амен ако слединаја лен. Концентририн тут те поможине е интересентеске те менинел пло начин сар размислинела хем пле постапке (Еф 4:22-24). Уверин лен кај о Јехова ка поможинел ленге те шај те чхинавен о лошна навике со керена лен сине бут берша (Фп 4:13). Сикав лен понизно те молинен пе е Јеховаске кеда аракхљовена ко искушение те керен грево. Поможин ленге те пенџарен хем те избегинен о ситуацие кола со ка керен ленге пхаро те постапинен исправно. Поможин ленге те мукхен о лошна навике аѓаар со ка керен буќа кола со ка овен ленге корисна. Ту ка ове бахтало кеда ка дикхе сар о Јехова поможинела е интересентеске те напредујнел хем те керел промене.
ДИКХ О КЛИПИ ПОМОЖИН ТЛЕ ИНТЕРЕСЕНТЕНГЕ ТЕ ЧХИНАВЕН Е ЛОШНА НАВИКЕНЦАР, А ПАЛО АДАВА ОДГОВОРИН КО АКАЛА ПУЧИБА:
-
Сар о старешине хем и Нита сикавѓе кај иси лен доверба ки Џејд?
-
Сар и Нита понадари да поможинѓа е Џејдаке?
-
Сар и Џејд родинѓа помош таро Јехова?