Вакерела пе кај амал тано „некој сој паше е јавереја хем сикавела леске поштовање хем мангипе“. На пример, о Давид хем о Јонатан сине бут паше амала, откеда о Давид мударѓа е Голијате (1Са 18:1). Е солдујен сине лен особине кола со керена сине те манген те овен амала јекх јекхеа. Адалеске, шукар амала тане окола со шукар пенџарена пе. Те шај те пенџаре шукар е јаверен ваљани време хем трудо. Сепак, ко социјална мреже, о мануша шај те овен некасаја „амала“ само ако мечинена јекх клик. Адалеске со о мануша ко интернет шај точно те планиринен со ка вакерен хем шај те контролиринен саво мислење е јаверен ка овел баши ленде, локхо тано те гаравен кој тане чаче ола. Адалеске шукар тано те пазина кас прифатинаја те овен амаре амала ко социјална мреже. Ма дара те одбине или те на прифатине несаве непознато мануше со мангела те овел туја амал хем те мислине кај адалеа шај те повредине лескере чувствија. Адалеске со иси опасност, несаве одлучинѓе те на користинен социјална мреже. Ама, ако одлучинѓан те користине социјална мреже, со ваљани те овел тут ки годи?

ДИКХ О КЛИПИ ПАМЕТНО КОРИСТИН О СОЦИЈАЛНА МРЕЖЕ, А ПАЛО АДАВА ОДГОВОРИН КО АКАЛА ПУЧИБА:

• Башо со ваљани те размислине англедер те чхиве коментарија или слике?

• Соске ваљани шукар те бирине тле онлајн амален?

• Соске ваљани те ограничине кобор време ка накхаве ко социјална мреже? (Еф 5:15, 16)