Иси амен штар видеоклипија со керена лафи башо библиско курси кола со шај те користина лен ки служба. Која тани и цел таро секова јекх?

• Соске те сикљове тари Библија? кердо тано те поможинел е манушенге те интересинен пе баши Библија бизи разлика ки сави религија тане. Охрабринела лен те роден ки Библија о одговорија башо најважна пучиба ко живото хем дела пример кај ки лате шај те аракха логична информацие. Објаснинела сар те родел пе библиско курси.

• Соске те сикљове тари Библија? (кратко верзија) тано исто сар о претходно видеоклипи ама тано пократко. Шај те користинел пе ко подрачје коте со о мануша нане лен бут време те керен лафи.

• Сар шај те сикљове тари Библија? кердо тано те поттикнинел некас те проучинел и Библија бесплатно хем дела одговорија ко несаве пучиба башо библиско курси.

• Шукар аљан ко тло библиско курси кердо тано те сикавел пе е интересентеске. Акава видеоклипи аракхљола ки дујто страна таро лил Ов бахтало засекогаш, ама шај те сикава ле е интересентеске хем џикоте проучинела и брошура Ов бахтало засекогаш. Ко акава клипи спомниме тане несаве теме таро лил, објаснинела сар водинела пе о библиско курси хем сави корист ка овел е интересенте.

Иако секова клипи иси ле посебно цел, шај те сикавел пе или те бичхалел пе е манушенге кеда тано соодветно. О објавителија тане охрабриме шукар те запознајнен пе акале видеоклипенцар те шај шукар те користинен лен ки служба.