ТЕ ЏИВДИНА САР ХРИСТИЈАЊА
Тернален, кхувен таро „баро удар“
Кеда сием терне, бут тано локхо те мислина аменге кај нане те пхујрова хем нане те доживина о проблемија со анела лен о свето е Бенгескоро (Про 12:1). Ако сиан терно шај мислинеа туке: „Терно сиум, о живото тано англи манде. Мангава те служинав ки полновремено служба, ама понадари“.
Саринен аракхена амен непредвидена буќа, чак е тернен да (Про 9:11). И Библија вакерела: „На џанена сар ка овел тумаро живото тајса“ (Јк 4:14). Адалеске, ма мукх те накхел бут време те шај исполнинеа те духовна целија. Кхув таро „баро удар баши бути“ џикоте тано панда пхравдо (1Ко 16:9). Сигурно нане те каине тут!
Несаве духовна целија:
-
Те проповедине ки јавер чхиб
-
Пионерско служба
-
Те џа ки несави теокоратско школа
-
Те џа ки изградба башо теократска објектиа
-
Бетелско служба
-
Покраинско служба