О Исус објавинела сине „о шукар хабери башо е Девлескоро Царство“ (Лк 4:43). Исто аѓаар, сикавѓа е манушен те молинен пе башо адава Царство (Мт 6:9, 10). Ноември ка да амендар посебно трудо те шај те објавина е Девлескоро Царство (Мт 24:14). Кер промене ко тло распоред те шај те учествујне со шај повише ки акаја акција. Окола со ка служинен адава масек сар помошна пионерија, шај те биринен дали ка џан 30 или 50 саатија ки служба.

Трудин тут те споделине јекх стихо башо е Девлескоро Царство со шај повише манушенцар ко тло подрачје. Кеда биринеа несаво стихо, ле ко предвид ки која религија припадинена о мануша коленцар со кереа лафи. Ако некој сикавела интерес кеда кереа леа прво пути лафи, нудин о списание Стражарско кула Бр. 2, 2020. Пало адава, кобор со шај посигате кер повторно посета хем трудин тут те почмине библиско курси несаве публикацијаја таро амаре главна публикацие службаке. Панда бут хари време е Девлескоро Царство ка уништинел са е владен со ка противинен пе леске (Да 2:44; 1Ко 15:24, 25). Адалеске, те користина акаја шанса те сикава кај верно поддржинаја е Јехова хем лескоро Царство!