Сар Јеховаскере сведокија иси амен бари чест. Адава со денѓем лафи кај ка служина е Јеховаске хем крстинѓем амен, дела амен шанса те зајакнина амаро лично амалипе леа. О Девел привлечинѓа амен преку пло Чхаво (Јвн 6:44). Ов шунела амаре молитве (Пс 34:15).

Сар шај те аракха амаро скапоцено амалипе со иси амен е Девлеа? Јекх начин тано аѓаар со нане те кера о погрешна буќа со керѓе лен о Израелција. Кратко откеда керѓе сојуз е Јеховаја, ола керѓе златно телцо хем адалеа уле идолопоклоникија (2Мо 32:7, 8; 1Ко 10:7, 11, 14). Шукар тано те пуча амен: Сар реагиринава кеда иси ман искушение те керав нешто погрешно? Дали ме постапке сикавена кај ценинава мло амалипе е Јеховаја? О баро мангипе спрема амаро Дад сој ко небо ка поможинел амен те наша таро буќа со мрзинела лен (Пс 97:10).

ДИКХ О ВИДЕОКЛИПИ АРАКХ ТЛО АМАЛИПЕ Е ЈЕХОВАЈА (КОЛ 3:5), А ПАЛО АДАВА ОДГОВОРИН КО АКАЛА ПУЧИБА:

• Сој тани и лакомост?

• Соске ваљани те пазина амен тари лакомост хем таро идолопоклонство?

• Ки која смисла и прељуба тани слично сар идолопоклонство?

• Соске посебно окола со иси лен побаре одговорностија ки организација ваљани те грижинен пе башо потребе пле брачно партнерескере?