ТЕ ЏИВДИНА САР ХРИСТИЈАЊА
Ако ко удара икљола чхаво
Ако ко удара икљола чхаво, ваљани те замолине ле те викинел пе родителен. Аѓаар сикаваја кај поштујнаја е родителен (Из 6:20). Нане те кхува ако о чхаво викинела амен андре. Ако лескере родителија нане кхере, тегани ка ирана амен јавер пути.
Чак кеда о чхаво тано побаро, на пример џала ки средно школа, палем ваљани те рода лескере родителен. Ако ола нане кхере, шај те пуча ле дали дозволинена леске коркори те биринел со ка читинел. Ако дозволинена, шај те нудина леске литература или те вакера леске баши амари интернет-страница.
Ако несаво терно сикавѓа интерес, ваљани те рода лескере родителен кеда џаја ки повторно посета. Аѓаар ка шај те вакера ленге соске алем хем те сикава ленге козом мудра хем практична советија дела и Библија башо фамилие (Пс 119:86, 138). Ка да шукар сведоштво ако сикаваја поштовање хем обѕир спрема о родителија, хем аѓаар шај те пхравѓол аменге прилика те вакера о шукар хабери адале фамилијаке (1Пе 2:12).