Те шај те поможинел аменге, о Јехова денѓа амен е пхрален хем е пхењен (1Пе 5:9). Ола шај те поможинен аменге ки служба кеда иси амен предизвикија. На пример, е апостол Павлеске поможинѓе о Акила хем и Прискила, о Сила, о Тимотеј хем јавера (Де 18:1-5).

Сар шај о пхраља хем о пхења те поможинен тут ки служба? Ола шај те ден тут практична предлогија сар те одговорине ко несаво приговор, те кере повторна посете или те нудине хем те водине библиско курси. Размислин кој шај таро тло собрание те поможинел туке хем пало адава замолин ле башо адава. Сигурно, адава ка поможинел е солдујенге хем аѓаар ка осетинен тумен побахтале (Фп 1:25).

ДИКХ О ВИДЕОКЛИПИ ОВ БАХТАЛО ЏИКОТЕ КЕРЕА УЧЕНИКИЈА — ПРИФАТИН И ПОМОШ ТАРО ЈЕХОВА: О ПХРАЉА ХЕМ О ПХЕЊА, А ПАЛО АДАВА ОДГОВОРИН КО АКАЛА ПУЧИБА:

• Сар и Нита охрабринѓа е Џејда те авел ко состанок?

• Соске кеда водинаја библиско курси ваљани те канина аменцар јавере објавителен?

• Со сине заедничко е Џејда хем е Абигејла?

• Саве вештине шај те сикљове баши служба таро тле пхраља хем пхења?