Кеда мерела амендар некој со мангаја ле, утешинела амен и надеж башо воскресение. Сепак, о грево хем о мерибе тане сар јекх чаршафи кова со учхарела са е манушен хем керела те овел сариненге пхаро (Иса 25:7, 8). Адаја тани јекх причина соске „са о створиме буќа офкинена хем тане ки дукх“ (Ри 8:22). Сар шај џикоте на авела о воскресение, те издржина и дукх со осетинаја ла кеда мерела некој? Ко е Девлескоро Лафи иси начелија кола со ка поможинен аменге.

МУКХ О КЛИПИ КЕДА КА МЕРЕЛ НЕКОЈ СО МАНГЕА ЛЕ, А ПАЛО АДАВА ОДГОВОРИН КО АКАЛА ПУЧИБА:

• Сави дукх сине е Даниела, е Масаиро хем е Јошими?

• Кола панџ практична предлогија поможинѓе ленге?

• Кастар авела и најбари утеха? (2Ко 1:3, 4).