ТЕ ЖИВИНА САР ХРИСТИЈАЊА
Пастирија со грижинена пе башо шукарипе е Јеховаскере народоскоро
Бут мануша дикхена негативно ко адала со иси лен несаво авторитети. Адава тано аѓаар соске бершенцар сине мануша кола со злоупотребинѓе пло авторитети баши лично корист (Мх 7:3). Бут сием благодарна со о старешине таро собранија тане обучиме те користинен пумаро авторитети башо шукарипе е Девлескере народоскоро (Ес 10:3; Мт 20:25, 26).
Различно таро окола со иси лен несаво авторитети ко свето, о старешине керена пумари задача сар надгледникија таро мангипе спрема о Јехова хем спрема лескере слуге (Јвн 21:16; 1Пе 5:1-3). Водиме таро Исус, акала пастирија поможинена секоле објавителеске те осетинел пе дело тари е Јеховаскири фамилија хем те ачхол паше е Јеховаја. Ола тане спремна те охрабринен е Јеховаскере бакхрен хем те поможинен кеда ваљани ленге итно медицинско помош или кеда иси несави катастрофа. Ако ваљани туке несави помош, џа хем кер лафи несаве старешинаја таро тло собрание (Јк 5:14).
ДИКХ О КЛИПИ ПАСТИРИЈА КОЛА СО ГРИЖИНЕНА ПЕ БАШО СТАДО, А ПАЛО АДАВА ОДГОВОРИН КО АКАЛА ПУЧИБА:
-
Сар користинѓа е Маријанаке и помош со добинѓа ла таро старешине?
-
Сар користинѓа е Илијасеске и помош со добинѓа ла таро старешине?
-
Откеда дикхљан акава клипи, со мислинеа башо адава со керена о старешине?
