DOBROVOLNO SLUŽBA: Ako mangena te pomožinen ko kongres, molinaja tumen prijavinen tumen ko Oddel bašo informacie hem dobrovolno služba.

KRSTIBE: Bašo kandidatija krstibaske tane astarde thana angli bina. Ola valjani te bešen adathe sabota sabajle angleder te počminel o govor adalenge so ka krstinen pe. Sekoj valjani te lel peske peškiri hem pristojna šeja krstibaske.

NAŠAVDE HEM ARAKHLE BUKJA: Sa o bukja so ka arakhen len valjani te ingaren len ko akava oddel. Ako našavgjen nesave bukja, džan ko adava oddel hem proverinen dali tane adathe. O čhave so našavdile taro ple roditelija valjani te ingaren pe ko akava oddel. Ama, te šaj te izbeginen pe asavke stresna situacie, molinaja tumen, pazinen tumare čhave te oven uzi tumende.

PRVA POMOŠ: Molinaja tumen, ma bistren kaj akaja služba tani samo bašo itna slučaija.

PRILOGIJA: Valjangje amenge but materijalna sredstvija te šaj te oven amen thana bešibaske, ozvučuvanje, videooprema hem but javera bukja so kerena te osetina amen šukar ko akava kongres hem te ova panda popaše e Jehovaja. Tumare dobrovolna prilogija pomožinena te platinen pe akala bukja hem lencar poddržinaja sa so kerela amari organizacija bašo Carstvo ko celo sveto. Ko celo objekti isi označime kutie bašo dobrovolna prilogija. Šaj te de dobrovolna prilogija onlajn ki donate.pr418.com. But ceninaja sa o prilogija. O Vodečko telo tano blagodarno so sien darežliva hem so poddržinena o delo bašo Carstvo.

REDARIJA: E redaren isi len zadača te pomožinen tumenge. Molinaja tumen, sorabotinen ko sa lencar hem šunen lengere upatstvija bašo parking, phiribe ko kongresno objekti, astaribe thana hem javera bukja.

THANA BEŠIBASKE: Molinaja tumen, mislinen e javerenge da. Ma bistren kaj šaj te astaren thana samo tumare familijake, okolenge so patujnena tumencar ko isto vrda, tumare gostonge hem okolenge so proučinena lencar i Biblija. Molinaja tumen, ma mukhen bukja ko thana kola so na astargjen len.