Dži o roditelija

Kova tano najšukar poklon so šaj te de te čhavenge? Lenge valjani but bukja, sar so i to mangipe, vodstvo hem zaštita. Ama najšukar poklon so šaj te de len tano te džanen bašo Jehova hem te džanen so vakerela leskoro Lafi, i Biblija (Jovan 17:3). Odova ka pomožinel te čhaven sa pobuter te mangen e Jehova hem te služinen leske celo vilea, čak taro tiknipe (Matej 21:16).

But roditelija halile kaj o tikne čhave najšukar sikljona taro tikne lekcie hem zadače. Odoleske, but siem radosna so kergem akaja brošura Sikljovava tari Biblija. Sekoja lekcija tani kerdi agjaar te šaj o čhave lokheste te sikljoven. O slike hem o teksti uzi lende tane kerde e čhavenge so isi len trin berš ili pohari. Isto agjaar, ko krajo tari sekoja lekcija, isi zadače so o roditelija šaj te keren pumare čhavencar. I brošura Sikljovava tari Biblija nane igračka te khelen laja o čhave. Oj tani kerdi te šaj te čitine la te čhavencar, hem agjaar ka pomožinel tu te kere lencar lafi.

Amen siem sigurna kaj akaja brošura ka pomožinel tu panda taro tiknipe te sikave te čhaven tari Biblija (2. Timotej 3:14, 15).

Tumare phralja,

Vodečko telo e Jehovaskere svedokongoro

[Slika ki 3 strana]