8 LEKCIJA
O Avraam hem i Sara šungje e Devle
Paše uzo Vavel, sine jekh diz, so vikinela pe sien Ur. Ki adaja diz o manuša služinena sine javere devlenge, a na e Jehovaske. Ama ko Ur živinela sine jekh manuš so služinela sine samo e Jehovaske. Leskoro anav sine Avraam.
O Jehova vakergja e Avraameske: „Dža tuke taro tlo kher hem tari tli familija, hem dža ki phuv so ka sikavav la tuke“. Palo adava, o Devel vetingja leske: „Tutar ka ovel baro narodo, hem preku tute ka kerav šukaripe bute manušenge ki celi Phuv“.
O Avraam na džanlja kote valjani te džal, ama leste sine le doverba ko Jehova. O Avraam, leskiri romni i Sara, leskoro dad o Tara hem o unuko o Lot khedingje pe bukja hem poslušno cidingje ko baro drumo.
ka ispolninel akava vetuvanje?
O Avraam sine le 75 berš keda ple familijaja reslja ki phuv so manglja o Jehova te sikavel la leske. Adaja phuv vikinela pe sine Hanaan. Adari o Devel vetingja e Avraameske: „Celo akaja phuv so dikhea la, ka dav la tle čhavenge“. Ama, o Avraam hem i Sara sine phure hem na sine len čhave. Sar o Jehova„Veraja o Avraam... šungja hem gelo ko than so valjangja te dobinel le sar nasledstvo. Gelo bizo te džanel kaj džala“ (Evreite 11:8)