Uvod bašo 7 delo
Ko akava delo pišinela bašo carija o Saul hem o David, periodi taro okolu 80 berš. Ko početok, o Saul sine ponizno hem darala sine taro Jehova, ama kratko palo adava ov meningja pe hem na šunela sine e Jehova. O Jehova otfrlingja le, hem palo nesavo vreme vakergja e Samoileske te pomazinel e Davide sar cari so ka vladinel ko Izrael palo Saul. O Saul sine ljubomorno hem mangela sine te mudarel e Davide, ama ov ni jekh puti na irangja leske lošnipaja. O Jonatan, e Sauleskoro čhavo, džangja kaj o Jehova biringja e Davide, hem adaleske sine verno amal lea. O David kergja nekobor phare grevija, ama sekogaš prifatinela sine e Devleskere sovetija. Ako sian roditeli, pomožin te čhaveske te haljol
kobor tano važno sekogaš te šunel e Jehova hem adalen so čhivgja len te vodinen amen.KO AKAVA DELO
39 LEKCIJA
O prvo cari ko Izrael
O Devel dengja e Izraelconge sudie te vodinen len, ama ola rodena sine cari. O Samiol pomazingja e Saule te ovel prvo cari, ama pokasno o Jehova otfrlingja e Saule. Soske?
40 LEKCIJA
O David hem o Golijat
O Jehova biringja e Davide te ovel javer cari ko Izrael, a o David sikavgja kaj o Jehova na grešingja so biringja le sar cari.
41 LEKCIJA
O David hem o Saul
Soske o Saul mrzinela sine e Davide? Sar ponašinela pe sine o David e Saulea?