1 LEKCIJA
Dali o Devel interesinela pe amenge?
AVDIVE o sumnal tano pherdo problemencar. Ko celo sumnal isi vojne, prirodna katastrofe, nasvalipe, čorolipe, korupcija hem javera lošna bukja. Šaj tut da isi tu problemija sekova dive. Koj šaj te pomožinel amen? Interesinela pe li nekoj amenge?
E Devleskoro mangipe tano pobaro taro e dajakoro mangipe
Šaj te ova sigurna kaj o Devel čače interesinela pe amenge. Ov ko plo Lafi vakergja: „Šaj li i daj te bistrel pe maksme hem te na ovel lake žal pe maksmeske so iklilo lakere vogestar? Čak oj da te bistrel le, me tut nane te bistrav tu“. *
Kobor tano šukar te džana akava. E Devleskoro mangipe tano but pobaro taro e dajakoro mangipe, a e dajakoro mangipe tano jekh taro najsilna bukja so šaj te osetinen o manuša. O Devel niked nane te mukhel amen! Ov pomožingja amenge. Sar? Agjaar so sikavgja sar šaj te ovel amen čačutni vera ki Leste, a asavki vera ka kerel amaro dživdipe bahtalo.
Keda isi amen čačutni vera ko Devel tegani ka ova bahtale. Asavki vera ka pomožinel amenge te cida amen taro but problemija hem te ikljova ko krajo e problemencar kolendar so našti te naša. Isto agjaar, ka ova popaše e Devlea hem ka ovel amen mir ko vilo. I čačutni vera ko Devel ka anel amenge but šukar dživdipe — večno dživdipe ko dženeti (raj).
So značinela te ovel amen čačutni vera ko Devel? Sar šaj te ovel amen asavki vera?
^ pas. 4 Akala lafija ka arakhe len ko 49 poglavje taro lil Isaija, ko 15 stiho. Adava pišinela pe agjaar: Isaija 49:15.
