15 LEKCIJA
Ov uverimo džikote kerea lafi
1. Sol. 1:5
SO TE KERE: Sikav kaj sian uverimo kaj adava so vakerea tano čače hem važno.
SAR TE KERE ADAVA:
-
Spremin tut šukar. Proučin o materijali sa džikote na haljovea sar o bibliska stihija poddržinena o glavna misle. Probin te vakere o glavna misle taro materijali nekobor ednostavna lafencar. Razmislin kobor tane važna adalenge so šunena tut. Molin tut bašo sveti duh.
-
Koristin lafija so sikavena kaj sian uverimo. Namesto te čitine sa taro lafi dži ko lafi sar soj pišimo, vaker o misle tle lafencar. Birin lafija kolendar so ka dikhel pe kaj sian sigurno ko adava so vakerea.
-
Sikav kaj sian čače uverimo ko adava so vakerea. Ker lafi dovolno glasno. Dikh ko jakhja e manušen so šunena tut.