Dikh pozitivno ko adala so šunena tut. Neka ovel tut doverba kaj tle phralja hem phenja mangena te keren bahtalo e Jehova. Čak keda valjani te de sovet, sekogaš keda šaj prvo iskreno pofalin len.

Ma ker but lafi bašo negativna bukja. Šaj te kere lafi bašo negativna bukja soj povrzime e temaja samo ako adava pomožinela tuke te istaknine nešto. Glavno valjani te kere lafi bašo pozitivna bukja.

Koristin šukar e Devleskoro Lafi. Istaknin so kergja o Jehova e manušenge ko purano vreme, so kerela akana hem so ka kerel ki idnina. Trudin tut te ohrabrine e manušen so šunena tut hem pomožin lenge te ovel len nadež.