Angleder o biblisko kursi

1. 1. Šukar spremin tut. Džikote kerea adava razmislin bašo tlo interesenti, so valjani leske, save okolnostija isi le ili ko so verujnela. Razmislin so šaj ka ovel leske pharo te haljol ili te primeninel. Razmislin sar o materijali ko delo „Istražin“ šaj te pomožinel e interesenteske hem ov spremno te koristine le ako valjani džikote vodinea o kursi.

Ko biblisko kursi

1. 2. Neka ovel molitva ko početok hem ko krajo taro kursi ako na smetinela adava e interesente.

2. 3. Pazin te na kere but lafi. Iker tut ko materijali hem mukh o interesenti te vakerel so mislinela hem so osetinela.

3. 4. Keda počminena nevo delo taro lil, čitin i tema bašo adava delo hem spomnin naslovija taro nekobor lekcie.

4. 5. Keda ka završine jekh delo taro lil, koristin o delo „So sikliljan“ te šaj te pomožine e interesenteske te pamtinel o bukja so siklilo len.

5. 6. Džikote proučinena sekoja lekcija e interesentea:

   1. a) Čitinen o pasusija tari lekcija.

   2. b) Čitinen sa o stihija kolende so pišinela „Čitin“.

   3. v) Čitinen o javera stihija soj ki lekcija ako valjanela.

   4. g) Dikhen sa o videoklipija kolende so pišinela „Dikh“ (ako šaj).

   5. d) Puč sekova pučibe e interesente.

   6. gj) Zamolin e interesente te vakerel nešto bašo slike soj ko delo „Doznajn poviše“.

   7. e) Koristin i ramka „Cel“ te šaj te pomožine e interesenteske te dikhel plo napredok. Šaj te pottiknine le te kerel buti ki cel soj više dendi athe, te čhivel peske nesavi javer cel ili te kerel o solduj bukja.

   8. ž) Puč e interesente dali nesavi statija ili nesavo videoklipi taro delo „Istražin“ mukhle leske vpečatok džikote spremingja pe bašo biblisko kursi.

   9. z) Trudin tut sekova puti te proučinen celo lekcija.

Palo biblisko kursi

1. 7. Razmislin bašo tlo interesenti. Molin e Jehova te blagoslovinel le džikote napredujnela ko duhovno pogled hem te del tut mudrost te džane sar te pomožine leske.