TE POČMINA RAZGOVORIJA
LEKCIJA 2
Ov prirodno
Načelo: „O lafi vakerdo ko pravo vreme — kobor tano šukar!“ (Izr. 15:23)
So kergja o Filip?
1. Dikh o VIDEOKLIPI ili čitin Apostolija 8:30, 31. Palo adava razmislin bašo akala pučiba:
So sikljovaja taro Filip?
2. Ako mukhaja o razgovor te ovel prirodno, najverojatno o manuš ka ovel poopuštimo hem ka mangel te šunel amen.
Dža palo e Filipeskoro primer
3. Primetin šukar. Šaj but te doznajne bašo manuš taro adava save gestija hem face kerela. Dali dikhjola kaj o manuš mangela te kerel tuja lafi? Šaj te počmine te kere lea lafi bašo nesavo biblisko čačipe agjaar so ka puče le: „Dali džanljan kaj...?“ Ako nekoj na mangela te kerel tuja lafi, ma čhiv le silaja.
4. Ov strplivo. Ma mislin kaj valjani odma te vakere nešto tari Biblija. Adžiker o pravo momenti te šaj o razgovor te ovel prirodno. Ponekogaš, šaj ka valjani te adžikere javer prilika te šaj te kere lea lafi baši Biblija.
5. Ov prilagodlivo. O manuš šaj ka vakerel nešto so na adžikergjan. Adaleske, vaker nešto so le ka interesinel, čak ako tu mangljan te kere lafi bašo nešto javer.
DIKH HEM:
Prop. 3:1, 7; 1. Kor. 9:22; 2. Kor. 2:17; Kol. 4:6