TE POČMINA RAZGOVORIJA
LEKCIJA 4
Ov ponizno
Načelo: „Ponizno dikhen e javeren sar pobare tumendar“ (Fil. 2:3)
So kergja o Pavle?
1. Dikh o VIDEOKLIPI ili čitin Apostolija 26:2, 3. Palo adava razmislin bašo akala pučiba:
-
a) Sar o Pavle sikavgja kaj tano ponizno keda kergja lafi e carea?
-
b) Sar o Pavle sikavgja kaj tane považna o Jehova hem i Biblija, a na ov? (Dikh Apostolija 26:22.)
So sikljovaja taro Pavle?
2. O manuša ka oven pospremna te šunen amen ako siem ponizna hem sikavaja poštovanje.
Dža palo e Pavleskoro primer
3. Poštujn e javere. Ma sikav kaj samo tu džanea sa, a o javer na džanela ništo.
4. Adava so sikavea valjani te temelinel pe ki Biblija. Adava soj pišimo ki Biblija šaj te khuvel e manušenge ko vilo. Keda koristinaja la, pomožinaja e manušenge te ovel len zorali vera.
5. Ov krotko. Ma probin te dokažine kaj tu sian ko pravo. Na mangaja te akoša amen e manušencar. Sikav kaj sian ponizno agjaar so ka ačhove smirimo hem ka dža tuke ako valjani (Izr. 17:14; Tit 3:2). Ako siem krotka, mukhaja than o manuša javer puti te šunen amen.
