LEKCIJA 13
Sar i hovavni religija pretstavinela e Devle ko pogrešno način?
Ako o Devel tano mangipe, soske o religie kola so vakerena kaj pretstavinena le kerena doborom but lošnipe? Adaleske so adala religie tane hovavne. Ola pretstavinena e Devle ko pogrešno način. Sar kerena adava? Sar o Devel osetinela pe bašo adava, hem so ka kerel?
1. Sar i hovavni religija pretstavinela e Devle ko pogrešno način ple sikajbaja?
O hovavne religie „meningje o čačipe bašo Devel hovajbaja“ (Rimjanite 1:25). Na primer, but religie na sikavena bašo e Devleskoro anav. Ama, i Biblija vakerela kaj mora te koristina e Devleskoro anav (Rimjanite 10:13, 14). Keda slučinena pe lošna bukja, nesave verska vodačija vakerena kaj adava tano e Devleskiri volja. Ama, adava tano hovajbe. O Devel nikogaš na kerela lošnipe. (Čitin Jakov 1:13.) Žalno tano adava so o hovajba so vakerena len o hovavne religie cidingje e manušen taro Devel.
2. Sar i hovavni religija pretstavinela e Devle ko pogrešno način ple postapkencar?
Ko but religie na postapinela pe e manušencar sar so mangela o Devel. Adaleske, i Biblija vakerela kaj e hovavne religijakere „grevija khedingje pe dži ko nebo“ (Otkrovenie 18:5). Vekoncar, o religie mešingje pe ki politika, poddržingje vojne hem kergje ili odobringje te oven mudarde but manuša. Nesave verska vodačija mangena te oven barvale hem adaleske rodena pare taro pumare vernikija. Akava sikavela kaj ola ni hari na pendžarena e Devle hem adaleske nane len pravo te pretstavinen le. (Čitin 1. Jovanovo 4:8.)
3. Sar osetinela pe o Devel bašo adava so kerela i hovavni religija?
Ako o bukja so kerela len i hovavni religija kerena tut holjamo, tegani so mislinea sar osetinela pe o Jehova? Ov mangela e manušen, ama tano holjamo e verska vodačenge kola so pretstavinena le ko pogrešno način hem lošno postapinena pumare vernikoncar. O Devel vetingja kaj i hovavni religija ka ovel uništimi hem „nikogaš više nane te postojnel“ (Otkrovenie 18:21). Panda hari, o Devel ka uništinel sa o hovavne religie (Otkrovenie 18:8).
DOZNAJN POVIŠE
Sikljov poviše bašo adava so o Jehova osetinela baši hovavni religija. Doznajn poviše bašo adava so kergja oj. Ama isto agjaar, dikh soske adava na valjani te čhinavel tut te pendžare e Jehova.
4. O Devel na odobrinela sa o religie
But manuša verujnena kaj o religie tane sar različna drumija so ingarena dži ko Devel. Ama, dali tano adava čače agjaar? Čitin Matej 7:13, 14, a palo adava keren lafi bašo akava pučibe:
-
So vakerela i Biblija bašo drumo so ingarela ko životo?
Dikh o VIDEOKLIPI, a palo adava keren lafi bašo akava pučibe:
-
Dali vakerela i Biblija kaj isi but religie kola so prifatinela len o Devel?
5. O hovavne religie na sikavena e Devleskoro mangipe
O religie ko but načinija pogrešno pretstavingje e Devle. Na primer, jekh način tano adava so mešingje pe ko vojne. Dikh o VIDEOKLIPI, a palo adava keren lafi bašo akala pučiba:
-
So kergje but crkve ki Dujto svetsko vojna?
-
So mislinea tu bašo adava so kergje?
Čitin Jovan 13:34, 35 hem 17:16, a palo adava keren lafi bašo akala pučiba:
-
So mislinea, sar osetinela pe o Jehova keda dikhela kaj o religie mešinena pe ko vojne?
-
I hovavni religija tani odgovorno bašo but lošna bukja. Ko save načinija tu dikhljan kaj o religie na sikavena e Devleskoro mangipe?
I hovavni religija na sikavela e Devleskoro mangipe
6. O Devel mangela te pomožinel e manušenge te ikljoven tari hovavni religija
Čitin Otkrovenie 18:4, a a palo adava keren lafi bašo akava pučibe:
-
Sar osetinea tut bašo adava so džanea kaj o Devel mangela te pomožinel sekole jekheske kova so sine zavedimo tari hovavni religija?
7. Ma čhinav te sikljove bašo čačutno Devel
Dali adava so kerela i hovavni religija valjani te vlijajnel upro adava sar dikhea ko Devel? Zamislin tuke jekhe čhave kova so na mangela te šunel ple dade, džala peske kheraldan hem kerela but lošna bukja. E dadeske na svidžinena pe e čhaveskere postapke. Soske bi ovela nepravedno te krivina e dade bašo adava so kerela leskoro buntovno čhavo?
-
Dali bi ovela pravedno te krivina e Jehova hem te čhinava te sikljova baši leste samo bašo adava so kerela i hovavni religija?
NESAVE ŠAJ VAKERENA: „Sa o religie tane šukar soske služinena jekhe Devleske“.
-
Dali tu da mislinea agjaar?
-
Soske o Devel na prifatinela sa o religie iako ola vakerena kaj obožavinena e Devle?
SO SIKLILEM
Ple sikajbaja hem ple lošna postapkencar i hovavni religija pretstavinela e Devle ko pogrešno način. O Devel ka uništinel e hovavne religija.
Sar ka odgovorine?
-
So mislinea bašo adava so sikavela hem so kerela i hovavni religija?
-
Sar osetinela pe o Jehova bašo adava so kerela i hovavni religija?
-
So ka kerel o Devel e hovavne religijaja?
ISTRAŽIN
Sikljov bašo duj načinija ko kola so but religie obožavinena e Devle ko pogrešno način.
„Dali sa o religie kerena amen te ova paše e Devlea?“ (internet statija)
Soske o Jehova mangela te služina leske zaedno e javerencar?
„Dali mora te ova delo tari nesavi religija?“ (internet statija)
Jekh svešteniko sine razočarimo tari pli religija. Ama, adava na čhinavgja le te sikljovel o čačipe bašo Devel.
„Zošto eden sveštenik ja napuštil svojata crkva“ (Razbudete se! taro fevruari 2015)
Vekoncar o religie vakerena hovajba bašo Devel kola so kerena o manuša te mislinen kaj ov na grižinela pe amenge hem kaj tano lošno. Sikljov o čačipe bašo trin asavke hovajba.
„Lagi što go ocrnuvaat Bog“ (Stražarska kula taro 1 noemvri 2013)
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
