LEKCIJA 14
Sar mangela o Devel te obožavina le?
Sar so dikhlem ki prethodno lekcija, o Devel na prifatinela sa o religie. Sepak, amen šaj te obožavina amare Stvoritele ko način so kerela le bahtalo. Kova „obožavibe“ [ili koja religija] prifatinela o Devel? (Jakov 1:27, fusnota.) Te dikha so sikavela i Biblija.
1. Kotar šaj te sikljova sar te obožavina e Devle ko ispravno način?
Amen adava šaj te sikljova tari Biblija. Ki molitva o Isus vakergja e Devleske: „Tlo lafi tano čačipe“ (Jovan 17:17). Nesave religie na prifatinena o čačipe soj tano ko e Devleskoro Lafi i Biblija. Namesto adava, ola poviše ikerena pe ko manušikane sikljojba hem tradicie. Ama, o Jehova na mangela okolen so „otfrlinena e Devleskiri zapoved“. (Čitin Marko 7:9.) Tari javer strana, amen keraja e Devle bahtalo keda ikeraja amen ki Biblija hem lakere sovetija.
2. Sar valjani te obožavina e Jehova?
Adaleske so o Jehova tano amaro Stvoriteli, ov zaslužinela te obožavina samo leste (Otkrovenie 4:11). Akava značinela kaj amen mora te manga hem te obožavina samo le, bizo te koristina nesave idolija, slike ili ikone. (Čitin Isaija 42:8.)
Amaro obožavibe mora te ovel „sveto hem prifatlivo“ e Jehovaske (Rimjanite 12:1). Akava značinela kaj amen valjani te živina sprema leskere zakonija. Na primer, okola so mangena e Jehova, ikerena pe ko leskere merilija bašo brako. Isto agjaar, ola izbeginena štetna navike, sar soj o pušibe cigare hem o zloupotrebibe droga hem alkohol. a
3. Soske valjani te obožavina e Jehova zaedno e javerencar?
Ko amare sostanokija so ikeraja len sekova kurko isi amen prilika zaedno e javerencar te falina e Jehova (Psalm 111:1, 2). Jekh način sar keraja adava tano agjaar so giljavaja gilja kolencar so falinaja e Devle. (Čitin Psalm 104:33.) O Jehova rodela te ova prisutna ko sostanokija soske mangela amen hem soske džanela kaj ola ka pomožinen amenge te ova bahtale zasekogaš. Ko sostanokija amen ohrabrinaja e javeren hem ola ohrabrinena amen.
DOZNAJN POVIŠE
Dikh soske o Jehova na mangela te koristina slike ili predmetija keda obožavinaja le. Sikljov ko kola važna načinija šaj te falina e Devle.
4. Na valjani te koristina slike ili predmetija keda obožavinaja e Devle
Kotar džanaja kaj o Devel na mangela adava? Dikh o VIDEOKLIPI, a palo adava keren lafi bašo akava pučibe:
-
So slučingja pe keda o Izraelcija mangle te obožavinen e Devle jekhe kipea?
Nesave manuša koristinena slike ili predmetija keda obožavinena e Devle soske agjaar mangena te osetinen pe popaše lea. Ama, adava ustvari cidela len podur lestar. Čitin 2. Mojseeva 20:4-6 hem Psalm 106:35, 36, a palo adava keren lafi bašo akala pučiba:
-
Kola slike ili predmetija dikhljan kaj o manuša koristinena keda obožavinena e Devle?
-
So mislinela o Jehova bašo adava so koristinena slike ili predmetija?
-
So mislinea tu bašo adava te koristinel pe slike ili predmetija?
5. Ako obožavinaja samo e Jehova ka ova oslobodime taro hovavne sikljojba
Dikh sar adava so ka obožavina e Jehova ko ispravno način ka oslobodinel amen taro hovavne sikljojba. Dikh o VIDEOKLIPI.
Čitin Psalm 91:14, a palo adava keren lafi bašo akava pučibe:
-
So vetingja o Jehova kaj ka kerel baši amende ako sikavaja kaj mangaja le adalea so obožavinaja samo le?
6. Amen obožavinaja e Devle ko sostanokija
Amen falinaja e Jehova hem ohrabrinaja amen jekh jekhea agjaar so giljavaja hem daja komentarija ko sostanokija. Čitin Psalm 22:22, a palo adava keren lafi bašo akala pučiba:
-
Dali uživinea te šune komentarija ko sostanokija?
-
Dali mangea tu da te de jekh komentari?
7. O Jehova tano bahtalo keda vakeraja e javerenge adava so sikljovaja
Isi but načinija sar šaj te vakera e javerenge o čačipa tari Biblija. Čitin Psalm 9:1 hem 34:1, a palo adava keren lafi bašo akava pučibe:
-
Koja buti so sikliljan tari Biblija bi mangea te vakere e javerenge?
NESAVE ŠAJ VAKERENA: „Nane važno sar obožavinaja e Devle, važno te verujna ki leste“.
-
So mislinea tu?
SO SIKLILEM
Amaro Stvoriteli tano bahtalo keda obožavinaja samo le, keda falinaja le ko sostanokija hem keda vakeraja e javerenge bašo adava so siklilem.
Sar ka odgovorine?
-
Kotar šaj te sikljova bašo adava sar mangela o Devel te obožavina le?
-
Soske valjani te obožavina samo e Jehova?
-
Soske valjani zaedno e javerencar te obožavina e Devle?
ISTRAŽIN
Ko iskustvo e naslovea „Povekje ne im robuvam na idolite“, čitin sar jekh džuvli čhinavgja te obožavinel idolija.
„Biblijata menuva životi“ (Stražarska kula taro 1 juli 2011)
Sikljov so šaj te pomožinel tuke te de komentarija ko sostanokija.
„Falin e Jehova ko sobranie“ (Stražarsko kula taro januari 2019)
Dikh sar jekhe terne sine le korist taro adava so sine prisutno ko sostanokija iako na sine leske lokho te avel ki lende.
But manuša verujnena kaj o krsto pretstavinela o hristijanstvo. Ama, dali amen valjani te koristina le ko amaro obožavibe?
„Soske e Jehovaskere svedokija na koristinena krsto?“ (internet statija)
a Bašo akala teme ka kerel pe lafi ko javera lekcie.
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
