LEKCIJA 21
Sar propovedinela pe o šukar haberi?
Panda hari, o Jehova preku plo Carstvo ka rešinel sa amare problemija. Akava šukar haberi na valjani te garava le samo amenge. O Isus manglja leskere sledbenikija te vakeren akava haberi sarinenge! (Matej 28:19, 20). Sar e Jehovaskere svedokija ikerena adava so zapovedingja o Isus?
1. Sar o lafija taro Matej 24:14 ispolninena pe avdive?
O Isus prorokujngja: „Akava šukar haberi bašo Carstvo ka propovedinel pe ko celo sveto“ (Matej 24:14). E Jehovaskere svedokija tane bahtale so šaj te učestvujnen ko akava propovedničko delo. Amen propovedinaja o šukar haberi ko celo sveto hem adava ko poviše taro 1.000 čhibja! Te šaj te kerel pe akava but baro delo valjani but vreme, sila hem valjani šukar te organizirinel pe. Bizo e Jehovaskiri pomoš akava našti te kerel pe.
2. So sa keraja te šaj te propovedina e manušenge?
Amen propovedinaja segde kote so šaj te arakha manuša. Isto sar so kerena sine o hristijanja taro prvo veko, amen da propovedinaja „taro kher ko kher“ (Dela 5:42). Preku akava način amen šaj te kera lafi milionja manušencar sekova berš. Adaleske so našti e manušen sekogaš te arakha khere, amen isto agjaar propovedinaja ko but prometna thana. Sekogaš rodaja prilike te vakera e javerenge bašo Jehova hem bašo adava so ov ka kerel e manušenge.
3. Koj valjani te propovedinel o šukar haberi?
Sa e čačutne hristijanen isi len odgovornost te propovedinen o šukar haberi e javerenge. Amen seriozno dikhaja ki akaja zadača. Adaleske so siem svesna kaj akava haberi šaj te spasinel e manušengoro životo, daja amendar sa te propovedina kobor so šaj sprema amare okolnostija. (Čitin 1. Timotej 4:16.) Amen na dobinaja pare bašo adava so propovedinaja, soske i Biblija vakerela: „Bizo pare dobingjen, bizo pare den“ (Matej 10:7, 8). Iako but manuša na mangena te šunen, amen ponadari da propovedinaja soske agjaar služinaja e Jehovaske hem keraja le bahtalo.
DOZNAJN POVIŠE
Sikljov poviše bašo adava kobor e Jehovaskere svedokija trudinena pe te propovedinen ko celo sveto hem sar o Jehova pomožinela amenge.
Propovedinela pe ko celo sveto: (1) Kostarika, (2) SAD, (3) Benin, (4) Tajland, (5) Jap, (6) Švedska
4. Amen but trudinaja amen te resa dži ko sa o manuša
E Jehovaskere svedokija but trudinena pe te propovedinen o šukar haberi e manušenge ko sekova than. Dikh o VIDEOKLIPI, a palo adava keren lafi bašo akava pučibe:
-
So mislinea bašo adava so e Jehovaskere svedokija but trudinena pe te propovedinen?
Čitin Matej 22:39 hem Rimjanite 10:13-15, a palo adava keren lafi bašo akala pučiba:
-
Sar adava so propovedinaja sikavela kaj mangaja amare pašutnen?
-
Sar dikhela o Jehova ko okola so propovedinena o šukar haberi? (Dikh o stiho 15.)
5. Amen siem e Devleskere sorabotnikija
But iskustvija sikavena kaj o Jehova vodinela amaro propovedibe. Na primer, džikote propovedinela sine paloručko taro kher ko kher, o phral o Pol taro Nov Zeland arakhlja jekhe džuvlja. Adaja džuvli sabajle molingja pe e Devleske te bičhalel nekas taro ple sluge. Ki molitva oj koristingja e Devleskoro anav, Jehova. O Pol vakerela: „Trin saatija pokasno me aljum ko lakoro udar“.
Čitin 1. Korinkjanite 3:9, a palo adava keren lafi bašo akava pučibe:
-
Sar sikavena o iskustvija, sar na primer adava taro Nov Zeland, kaj o Jehova vodinela o propovedibe?
Čitin Dela 1:8, a palo adava keren lafi bašo akava pučibe:
-
Soske valjani amenge e Jehovaskiri pomoš te šaj te propovedina?
Dali džanljan?
Sekova kurko ko jekh taro amare sostanokija amen sikljovaja sar te propovedina. Ako sian sine prisutno ko jekh asavko sostanok, so mislinea tu baši adaja obuka so dobinaja?
6. Poslušna siem ki e Devleskiri zapoved te propovedina
Ko prvo veko o protivnikija mangle te čhinaven e Isuseskere sledbenikon te propovedinen. Ama, o prva hristijanja anglo zakoni braningje pumaro pravo te propovedinen o šukar haberi (Filipjanite 1:7). Avdive, e Jehovaskere svedokija kerena o isto. a
Čitin Dela 5:27-42, a palo adava keren lafi bašo akava pučibe:
-
Soske nane te čhinava te propovedina? (Dikh o stihija 29, 38 hem 39.)
NESAVE ŠAJ PUČENA: „Soske e Jehovaskere svedokija džana taro kher ko kher?“
-
Sar ka odgovorine tu?
SO SIKLILEM
O Isus vakergja ple sledbenikonge te propovedinen o šukar haberi ko celo sveto. O Jehova pomožinela ple narodo te kerel adaja zadača.
Sar ka odgovorine?
-
Sar propovedinela pe o šukar haberi ko celo sveto?
-
Soske amaro propovedibe sikavela kaj mangaja amare pašutnen?
-
So mislinea, dali o propovedibe šaj te kerel amen bahtale? Soske mislinea agjaar?
ISTRAŽIN
Doznajn savo bahtalipe angja jekhe phenjake adava so posvetingja celo plo životo ko propovedibe.
Čitin bašo nesave važna sudska odluke kola so kergje polokho te propovedinel pe o šukar haberi.
„Zakonsko potvrduvanje na našeto pravo da propovedame“ (Božjeto Carstvo vladee!, poglavje 13)
a I zadača te propovedinel pe avela taro Devel. Adaleske e Jehovaskere svedokonge na valjani dozvola taro manušikane vlade te propovedinen o šukar haberi.
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
