LEKCIJA 25
Koja tani e Devleskiri namera e manušencar?
I Biblija vakerela kaj o životo e manušengoro tano kratko hem pherdo problemencar (Jov 14:1). Ama, dali čače o Devel mangela te ovel amen asavko životo? Ako na, tegani koja tani leskiri namera amencar? Dali adaja namera nekogaš ka ispolninel pe? O odgovorija so dela i Biblija bašo akala pučiba ka den amen uteha.
1. Savo životo mangela o Jehova amenge?
O Jehova mangela te ovel amen o najšukar životo so šaj. Ov stvoringja e prva manušen, e Adame hem e Eva, te živinen ko jekh but šužo raj, ki Edensko gradina. „Palo adava o Devel dengja len bereketi hem vakergja lenge: ’Te ovel tumen pherdo čhave hem te oven but džene, pheren i phuv hem vladinen upri late‘“ (1. Mojseeva 1:28). O Jehova manglja te oven len čhave, te keren celi phuv raj hem te grižinen pe e životnenge. Leskiri namera sine sa e manušen te ovel len sovršeno sastipe hem te živinen zasekogaš.
Iako amaro životo avdive tano pojaver, e Devleskiri namera na meningja pe (Isaija 46:10, 11). a Ov ponadari da mangela o poslušna manuša te živinen zasekogaš ko sovršena uslovija. (Čitin Otkrovenie 21:3, 4.)
2. Sar šaj te ovel amen čačutni smisla ko životo panda akana?
Amenge valjani o vodstvo taro Jehova soske ov agjaar stvoringja amen. Adaleske isi amen želba te zapoznajna le hem te obožavina le. (Čitin Matej 5:3-6.) O Devel mangela te ova paše amala lea, te dža ko sa leskere drumija, te manga le hem te služina leske celo vilea (5. Mojseeva 10:12; Psalm 25:14). Adava šaj te kerel amen te ova čače bahtale, iako isi amen problemija ko životo. Keda obožavinaja e Jehova isi amen smisla ko životo soske živinaja ko način sar so mangela ov.
DOZNAJN POVIŠE
Sikljov kobor baro mangipe sikavgja o Jehova keda spremingja i Phuv amenge hem so vakerela leskoro Lafi baši i smisla e životoskiri.
3. O Jehova isi le but šuži namera e manušencar
Dikh o VIDEOKLIPI, a palo adava keren lafi bašo akava pučibe:
-
Soske o Devel kergja amari but šuži Phuv?
Čitin Propovednik 3:11, a palo adava keren lafi bašo akava pučibe:
-
So sikavela amenge akava baši e Jehovaskiri namera e manušencar?
4. E Jehovaskiri namera na meningja pe
Čitin Psalm 37:11, 29 hem Isaija 55:11, a palo adava keren lafi bašo akava pučibe:
-
Kotar džanaja kaj e Jehovaskiri namera bašo manuša na meningja pe?
Jekh oštetimo kher šaj te popravinel pe. Isto agjaar, iako o manuša oštetingje i Phuv o Devel ka popravinel la okolenge so mangena le
5. O služibe e Jehovaske dela amen čačutni smisla ko amaro životo
Keda džanaja koja tani i smisla e životoskiri ka ova bahtale. Dikh o VIDEOKLIPI, a palo adava keren lafi bašo akava pučibe:
-
Sar i Terumi sine la korist taro adava so halili koja tani i smisla e životoskiri?
Čitin Propovednik 12:13, a palo adava keren lafi bašo akava pučibe:
-
Sar šaj te sikava kaj siem blagodarna bašo sa adava so kergja o Jehova amenge?
NESAVE ŠAJ PUČENA: „Koja tani i smisla e životoskiri?“
-
Sar ka odgovorine tu?
SO SIKLILEM
O Jehova mangela amen te uživina ko životo zasekogaš ko sovršena uslovija akate ki Phuv. Amaro životo šaj te ovel le čačutni smisla panda akana ako obožavinaja e Jehova celo vilea.
Sar ka odgovorine?
-
Koja sine e Jehovaskiri namera e Adamea hem e Evaja?
-
Kotar džanaja kaj e Devleskiri namera e manušencar na meningja pe?
-
Sar šaj te ovel tut čačutni smisla ko životo?
ISTRAŽIN
Čitin bašo dokazija kaj i Edensko gradina čače postojnela sine.
„Dali postoela rajskata gradina?“ (Stražarska kula taro 1 januari 2011)
Doznajn soske šaj te ova sigurna kaj i Phuv ka ačhol zasekogaš.
Dikh so vakerela i Biblija baši smisla e životoskiri.
a Ki sledno lekcija ka dikha soske avdive nane amen asavko životo sar so manglja o Devel.
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
