LEKCIJA 55
Sar šaj te pomožine ko tlo sobranie?
Ko celo sveto, milionja manuša tane bahtale so šaj te obožavinen e Jehova ko pumare sobranija. Ola ceninena so šaj adathe te dobinen upatstvija hem vodstvo, hem bahtale tane so šaj ko but načinija te pomožinen ko pumare sobranija. Dali tu da sian bahtalo hem ceninea adava so šaj te ove delo taro sobranie? Dali mangea te pomožine ko tlo sobranie?
1. Sar šaj te koristine tlo vreme hem tli sila te šaj te pomožine ko sobranie?
Sekoj amendar šaj te pomožinel ko sobranie. Na primer, dali ko sobranie isi pophure ili nasvale? Šaj li te pomožine lenge te aven ko sostanokija? Dali šaj te pomožine lenge ko javer praktično način, na primer te dža te kine lenge adava so valjani lenge ili te pomožine lenge ko kherutne bukja? (Čitin Jakov 1:27.) Isto agjaar, šaj te čhiva amen ko raspolaganje te pomožina keda čistinela pe hem održinela pe amari dvorana. Nikoj silaja na čhivela amen te kera akala bukja. O mangipe sprema o Devel hem sprema amare phralja hem phenja pottikninela amen te vakera: „Ake sium me! Bičhal man!“ (Isaija 6:8).
Okola soj krstime šaj te pomožinen ko sobranie ko javera da načinija. O phralja kola so ispolninena o bibliska uslovija šaj te služinen sar sluga-pomošnikija ili starešine. O phralja hem o phenja šaj te služinen sar pionerija. Nesave phralja hem phenja šaj te pomožinen ki izgradba teokratska objektija ili te selinen pe ko javer sobranie kote so isi pobari potreba.
2. Sar šaj te koristine tle materijalna bukja te šaj te pomožine ko sobranie?
Amen šaj te sikava čest e Jehovaske amare materijalna bukjencar (Izreki 3:9). Bahtale siem so šaj te da pare hem javera materijalna bukja te šaj te poddržina o sobranie hem o propovedibe ko celo sveto. (Čitin 2. Korinkjanite 9:7.) Isto agjaar, amare dobrovolna prilogija koristinena pe keda isi nesavi katastrofa. But džene odlučingje redovno te čhiven pare ki strana te šaj te den adava sar dobrovolno prilog. (Čitin 1. Korinkjanite 16:2.) Amare prilogija šaj te čhiva len ko kutie bašo dobrovolno prilog ki dvorana ili te da len elektronski preku amari internet-stranica donate.pr418.com. Adalea so mukhlja amen korkori te odlučina sar ka koristina amare materijalna bukja, o Jehova dengja amen prilika te sikava kobor mangaja le.
DOZNAJN POVIŠE
Dikh nekobor načinija sar šaj te pomožine ko tlo sobranie.
3. Koristin tle finansiska sredstvija
O Jehova hem o Isus mangena okolen so dena taro vilo. Na primer, o Isus pofalingja jekhe udovica koja so dengja prilog e Jehovaske, iako oj sine but čoroli. Čitin Luka 21:1-4, a palo adava keren lafi bašo akala pučiba:
-
So mislinea, dali o Jehova ceninela samo o bare prilogija?
-
Sar osetinena pe o Jehova hem o Isus keda daja taro vilo?
Te šaj te doznajne sar koristinena pe amare prilogija dikh o VIDEOKLIPI, a palo adava keren lafi bašo akava pučibe:
-
Sar amare prilogija pomožinena e sobranienge ko celo sveto?
4. Čhiv tut ko raspolaganje te pomožine
Ko biblisko vreme, e Jehovaskere sluge but trudinena pe sine te ikeren ki šukar sostojba o than kote so obožavinena sine e Jehova. Ama, osven so dengje pare ola kergje panda nešto. So sine adava? Čitin 2. Letopisi 34:9-11, a palo adava keren lafi bašo akava pučibe:
-
Sar šaj sine sekova Izraelco te učestvujnel ko održibe e Jehovaskoro kher?
Te šaj te dikhe sar e Jehovaskere svedokija džana palo adava biblisko primer dikh o VIDEOKLIPI, a palo adava keren lafi bašo akala pučiba:
-
Soske tano važno te ikera amare dvorane čista hem ki šukar sostojba?
-
Sar šaj tu te pomožine?
5. O phralja šaj te trudinen pe te keren poviše ko sobranie
I Biblija ohrabrinela e phralen te den pestar sa te pomožinen ko sobranie. Ama, sar šaj o phralja te keren adava? Te šaj te dikhe jekh primer dikh o VIDEOKLIPI, a palo adava keren lafi bašo akava pučibe:
-
So kergja o Rajan te šaj poviše te pomožinel ko sobranie?
Ki Biblija pišinela kola uslovija valjani o phralja te ispolninen ako mangena te služinen sar sluga-pomošnikija hem starešine. Čitin 1. Timotej 3:1-13, a palo adava keren lafi bašo akala pučiba:
-
Kola uslovija valjani te ispolninen o phralja ako mangena te služinen sar sluga-pomošnikija hem starešine?
-
So očekujnela pe taro lengere familie? (Dikh o stihija 4 hem 11.)
-
So mislinea, savi korist ka ovel e sobranie ako o phralja trudinena pe te ispolninen akala uslovija?
NESAVE ŠAJ PUČENA: „Sar finansirinela pe adava so kerena e Jehovaskere svedokija?“
-
Sar ka odgovorine tu?
SO SIKLILEM
O Jehova but ceninela keda koristinaja amaro vreme, sila hem materijalna bukja te šaj te pomožina ko sobranie.
Sar ka odgovorine?
-
Sar šaj te koristine tlo vreme hem tli sila te šaj te pomožine ko sobranie?
-
Sar šaj te koristine tle materijalna bukja te šaj te pomožine ko sobranie?
-
Ko save načinija mangea tu te pomožine ko sobranie?
ISTRAŽIN
I Biblija dengja nesave uloge e krstime phralenge. Ama so ako jekh phen valjani te kerel nesave bukja so kerela len jekh phral?
„O poglavarstvo ko sobranie“ (Stražarska kula taro fevruari 2021)
Dikh sar amare hrabra phralja ingargje amare publikacie e phralenge ko Kongo.
Doznajn sar finansirinena pe amare aktivnostija hem sar adava razlikujnela pe taro javera religiozna organizacie.
„Sar finansirinela pe adava so kerena e Jehovaskere svedokija?“ (internet statija)
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
