3 DELO
Savo sine o životo ko raj?
O Jehova dengja e Adameske hem e Evake but šukar bukja (1. Mojseeva 1:28)
O Jehova kergja e prvo džuvlja, e Eva, hem dengja la e Adameske te ovel leskiri romni (1. Mojseeva 2:21, 22).
O Jehova kergja len sovršeno gogjaja hem teloja, na sine len nisavi maana.
Lengoro rajsko kher sine i Edensko gradina — jekh but šužo than kote so sine pani, razno ovošje hem životne.
O Jehova kergja lencar lafi; ov sikavela len sine. Te šunen le sine, ola ka šaj te živinen sine večno ko Raj ki Phuv.
O Devel vakergja te na han taro jekh kaš (1. Mojseeva 2:16, 17)
O Jehova sikavgja e Adameske hem e Evake jekh kaš tari Edensko gradina hem vakergja lenge ako hale lestar, ola ka meren.
Jekh taro o angelija protivingja pe e Devleske. Adava lošno angeli sine o Satana, o Beng.
O Satana na manglja o Adam hem i Eva te šunen e Jehova. Adaleske ov koristingja jekhe sape te vakerel e Evake kaj ako halja taro adava kaš, nae te merel, nego ka ovel sar Devel. Adalea, ov hovavgja la (1. Mojseeva 3:1-5).
Šaj isto ka interesinel tut
OSNOVNA BIBLISKA SIKLJOJBA
Soske o Devel kergja i Phuv?
Amaro kher, i Phuv, tani but šukar kerdi. Čhivgja la te ovel dur taro kham kobor so valjani, navalingja la ko ispravno agol hem kergja te vrtinel pe kobor so valjani. Soske o Devel doborom but trudingja pe te kerel akaja šuži planeta?
