AČHOVEN DŽANGAVDE!
2022: Berš pherdo nevoljencar hem mukencar — So vakerela i Biblija?
Ko 2022 berš, o vojne, o ekonomska problemija hem o ekološka katastrofe sine glavna teme ko vestija. Ama, samo i Biblija vakerela amenge soske slučinena pe asavke bukja.
I čačutni pričina bašo nastanija ko 2022 berš
O nastanija so slučingje pe ko 2022 berš panda poviše potvrdinena kaj živinaja ko periodi koleske so i Biblija vakerela kaj tano o „posledna dive“ (2. Timotej 3:1). Akava periodi počmingja ko 1914 berš. Dikh sar o nastanija so slučingje pe odgovorinena adalea so prorokujngja i Biblija bašo amaro vreme:
„Vojne“ (Matej 24:6)
„2022 — berš kote so ki Evropa irangje pe o strašna posledice tari vojna.“ a
Dikh i statija „I Rusija napadingja e Ukraina“.
„Bokhalipe“ (Matej 24:7)
„2022: Berš kote so sine baro bokhalipe.“ b
Dikh i statija „I vojna ki Ukraina kerela te ovel pobaro bokhalipe ko sveto“.
„Zarazna nasvalipa“ (Luka 21:11)
„Palem pojavingja pe detsko paraliza, a isto agjaar širingje pe o majmunska sipanice hem o KOVID-19 ponadari da kerela bare štete. Akava jasno sikavela kobor tane opasna o zarazna nasvalipa hem kobor o manuša tane slaba ko adava.“ c
Dikh i statija „Šov milionja manuša mule taro KOVID — So vakerela i Biblija bašo adava?“.
„Adava so ka dikhen o manuša ka daravel len“ (Luka 21:11)
„Baro tatipe, suše, bare požarija hem poplave. Sigurno o nilaj 2022 berš, ka pamtinel pe taro adava so sine bare klimatska promene kola so kergje bari šteta, mule but manuša hem uništindile milionja khera.“ d
„Nemirija“ (Luka 21:9)
„Adaleske so isi ekonomska problemija, a posebno so barile but o cene, o manuša tane but poholjame hem adava angja ko 2022 berš te bajrol o broj taro protestija protiv o vlade.“ e
Dikh i statija „Ko celo sveto bajrona o cene — So vakerela i Biblija bašo adava?“.
So ka slučinel pe ko sledno berš?
Nikoj amendar našti te vakerel točno so ka slučinel pe ko 2023 berš. Ama jekh džanaja, kaj panda hari e Devleskoro Carstvo, ili e Devleskiri nebesno vlada, ka anel bare promene ki phuv (Daniel 2:44). Adaja vlada ka cidel sa o bukja kola so kerena o manuša te ciden muke hem ka kerel te izvršinel pe e Devleskiri volja ki celi phuv (Matej 6:9, 10).
Ohrabrinaja tut te šune e Isuseskoro sovet: „Ačhoven džangavde!“, agjaar so vnimatelno ka pazine sar o nastanija so slučinena pe ko sveto ispolninena o bibliska proroštvija (Marko 13:37). Šaj te kontaktirine amencar te šaj te doznajne poviše bašo adava sar šaj i Biblija panda avdive te pomožinel tuke hem sar šaj tu hem tli familija te nadinen tumen baši pošukar idnina.
a AP News, „2022 Was Year the Horror of War Returned to Europe,“ by Jill Lawless, 8 dekemvri 2022.
b World Food Programme, „A Global Food Crises“.
c JAMA Health Forum, „Living in an Age of Pandemics—From COVID-19 to Monkeypox, Polio, and Disease X,“ by Lawrence O. Gostin, JD, 22 septemvri 2022.
d Earth.Org, „What’s Behind the Record-Breaking Extreme Weather Events of Summer 2022?“ by Martina Igini, 24 oktomvri 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, 8 dekemvri 2022.
Šaj isto ka interesinel tut
OSNOVNA BIBLISKA SIKLJOJBA
Soj e Devleskoro Carstvo?
Džikote sine o Isus ki služba, ov kerela sine najviše lafi bašo e Devleskoro Carstvo. Vekoncar, leskere učenikija molinena pe sine te avel o Carstvo.
OSNOVNA BIBLISKA SIKLJOJBA
E Devleskoro Carstvo počmingja te vladinel ko 1914 berš
Poviše taro 2.600 berš angleder, o Devel kergja jekh mokjno cari te dikhel proročko suno kova so ispolninela pe avdive.
