Samo so počmingja o 2023 berš. Sarine nadinaja amen kaj amenge hem amare familijake ka slučinen pe šukar bukja. Soske šaj te nadina amen ko akava?

 Tari Biblija doznajnaja jekh šukar haberi — kaj o problemija so isi amen avdive tane momentalna hem kaj panda hari ka avel lenge krajo. Ustvari, i Biblija tani pišimi baši amari pouka „hem isi amen nadež soske e Devleskoro lafi dela amen uteha hem pomožinela amen te izdržina“ (Rimjanite 15:4).

•   Te šaj te doznajne nešto poviše so vetinela i Biblija bašo akava, čitin i statija „Što navistina ni nosi idninata?“

 I nadež so dela amen i Biblija šaj te ovel amenge sar „cvrsto kotva“ ko amaro životo (Evreite 6:19). Adaja nadež ikerela amen cvrsto keda isi amen problemija ko životo. Šaj te pomožinel amenge uspešno te ikljova ko krajo lencar, te ovel amen pozitivno stavi hem te ova čače srekjna. Na primer:

•   Doznajn sar i nadež tari Biblija pomožingja jekhe manušeske te borinel pe jekhe lošno navikaja so kerela le sine te ovel zavisno. Dikh o videoklipi Našti sine više te živinav asavko životo.

•   Dikh sar i nadež tari Biblija šaj te pomožinel amen keda merela amendar nekoj so mangaja le. Dikh o videoklipi Uteha okolenge so mulo lendar nekoj.

 But manuša nadinena pe kaj ka slučinen pe šukar bukja, ama našti te oven sigurna kaj adava čače ka ovel agjaar. Ama, adava so vetinela i Biblija tano pojaver. Soske? Adaleske so adala vetuvanja avena taro Jehova o Devel a kova „so našti te hovavel“ (Tit 1:2). Samo e Jehova isi le mokj te ispolninel sa adava so vetinela. Ov šaj te kerel sa so mangela (Psalm 135:5, 6).

 Taro vilo mangaja tu da te ovel tut korist tari akaja sigurno nadež so dela amen i Biblija. Šaj te bajrare tli doverba ki akaja nadež agjaar so ka proučine i Biblija (Dela 17:11). Adava šaj te kere adalea so ka počmine besplatno biblisko kursi nekasaja taro e Jehovaskere svedokija. Počmin o 2023 berš agjaar so ka dikhe pozitivno ki idnina!