O nasilna bande kerena but bare štete ko Haiti. O manuša tari Južnoafrikansko Republika cidena but muke taro kriminal hem nasilstvo, a isto agjaar o manuša taro Meksiko hem o javera phuvja ki Latinsko Amerika. Čak ko phuvja kote so nane but baro nasilstvo, o manuša živinena ki dar hem na osetinena pe sigurna adaleske so o javera sa poviše čorena, kerena namerno šteta hem kerena te ovel požarija.

 So vakerela i Biblija bašo lošnipe so slučinela pe ko sveto?

 Ki Biblija tano prorokujmo kaj o lošnipe ka ovel delo taro znako „bašo krajo akale svetoskoro“ (Matej 24:3). Keda vakergja save nastanija ka oven delo taro znako, o Isus Hristos vakergja:

•   „O lošnipe ka bajrol, bute dženengoro mangipe ka šudrol“ (Matej 24:12).

 Ki Biblija tano prorokujmo kaj „ko posledna dive“ o manuša „nane te kontrolirinen pe, [ka oven] surova, nane te mangen o šukaripe“ (2. Timotej 3:1-5).

 Ama isi nadež. I Biblija vetinela kaj panda hari o lošnipe nane više te postojnel.

•   „Samo panda hari, o lošno nane te ovel više. Ka rode le ko leskoro than, a ov nane te ovel adathe. A o krotka ka nasledinen i phuv, hem ka uživinen ko baro mir“ (Psalm 37:10, 11).

 Doznajn nešto poviše baši nadež so dela amen i Biblija hem soske šaj te ove uverimo kaj o bukja so slučinena pe avdive ispolninena o bibliska proroštvija. Dikh o sledna statie:

 „Patot do srekjata — nadež”

 „Od kade znaeme deka živeeme vo ’poslednite denovi‘?“