„I ekonomija ko sveto tani palem ki opasnost“, vakerela o pretsedateli tari Grupa tari Svetsko banka. „O cene bašo hajbe hem usluge sigate bajrona, a tari javer strana, e manušen isi len sa pohari pare.“

 O Megjunarodno monetarno fondi vakerela: „O cene bašo gorivo hem hajbe but sigate uštena, a adava najviše vlijajnela upro manuša ko čorole phuvja“.

 I Biblija pomožinela amenge te haljova soske isi ekonomska problemija, sar šaj te ikljova ko krajo lencar hem kova tano o trajno rešenie.

•   I Biblija vakerela kaj živinaja ko „posledna dive“ (2. Timotej 3:1).

•   O Isus vakergja kaj ko akava vreme ka oven bukja so ka daraven e manušen (Luka 21:11). O manuša darana keda o cene bajrona. Ola darana baši pli idnina hem dali ka šaj te obezbedinen o osnovna bukja baši pli familija.

•   Ko biblisko lil Otkrovenie pišinela kaj ko posledna dive ka bajron o cene bašo hajbe: „Šungjum jekh glaso sar vakerela: ’Pohari taro jekh kilo giv koštinela celo diveskiri plata hem pohari taro trin kile jačmen koštinela celo diveskiri plata‘“ (Otkrovenie 6:6).

 Te šaj te džane poviše bašo „posledna dive“ hem bašo proroštvo soj pišimo ko lil Otkrovenie, dikh o videoklipi O sveto meningja pe taro 1914 berš hem čitin i statija „Što pretstavuvaat četirite javači?“

•   „Ola ka gradinen khera hem ka živinen ki lende, ka sadinen drakha hem ka han lengoro plodi. Nane ola te gradinen, a nekoj javer te živinel ki lende, nane ola te sadinen, a nekoj javer te hal lengoro plodi“ (Isaija 65:21, 22).

•   „Ki phuv o giv but ka bijanel, hem ko najuče thana e planinakere ov but ka bajrol“ (Psalm 72:16).

•   „’O lošna mučinena okolen soj ki muka, a o čorole ofkinena, adaleske akana ka uštav hem ka spasinav len lendar‘, vakerela o Jehova“ (Psalm 12:5). a

 O Devel panda hari ka anel krajo baši nepravedno ekonomsko situacija ko celo sveto. Te šaj te dikhe sar ka kerel adava, čitin i statija „Da li je moguće ostvariti pravedan ekonomski sistem?“

 Ama panda akana, i Biblija šaj te pomožinel amenge te ikljova ko krajo akale phare situacijaja. Sar? Ki late isi praktična sovetija sar mudro te trošinen pe o pare (Izreki 23:4, 5; Propovednik 7:12). Te šaj te doznajne poviše, čitin o statie „Pazite kako raspolažete novcem“ hem „Kako živeti s manje novca“.