Ko celo sveto, but manuša doživinena bare poplave. Ake nesave izveštaija:

•   „Ko posledna nekobor dive, ki glavno diz ki Kina sine najbare bršima ko akala posledna 140 berša... maškar i sabota hem i sreda dengja peske 744,8 milimetrija bršim“ (AP News, 2 avgust 2023).

•   „Ko južno delo tari Japonija, o tajfuni Kanun duj dive anela bare bršima hem bavlala kote so mule najhari duj džene... Isto agjaar, ko planinsko delo taro centralno Tajvan, adžikerela pe te del dži ko 0,6 metre bršim“ (Deutsche Welle, 3 avgust 2023).

•   „O poplave so ule akava vikend [ki Nova Škotska] ule taro bare bršima so dengje peske ko atlantsko brego ki Kanada ko akala posledna 50 berš“ (BBC News, 24 juli 2023).

 So vakerela i Biblija bašo akala nastanija?

 I Biblija vakerela kaj živinaja ko „posledna dive“ (2. Timotej 3:1). O Isus prorokujngja kaj ko amaro vreme „adava so ka dikhen o manuša ka daravel len“ (Luka 21:11). O klimatska promene tane glavno pričina bašo akala strašna vremenska uslovija kola tane but ponepredvidliva, ovena sa počesto hem kerena sa pobari šteta.

 I Biblija vakerela amenge kaj o strašna bukja so ovena ki phuv, ustvari, valjani te den amen nadež kaj ka ovel pošukar. Soske? O Isus vakergja: „Keda ka dikhen kaj sa akava ovela, džanen kaj e Devleskoro Carstvo tano paše“ (Luka 21:31; Matej 24:3).

 Adava so slučinela pe avdive, jasno sikavela kaj panda hari e Devleskoro Carstvo celosno ka kontrolirinel o prirodna sile, sar soj hem o kružno teko e panjeskoro (Jov 36:27, 28; Psalm 107:29).

 Te šaj te doznajne nešto poviše bašo adava sar e Devleskoro Carstvo ka rešinel o problemija ki phuv, dikh i statija „Dali čovekot kje ja uništi Zemjata?“