„O bare klimatska promene kerena problemija e manušenge, e dizjengje hem bašo sa soj dživdo. O silna bure kola soj sa pobare adaleske so isi klimatska promene, ko celo sveto uništinena khera hem sa o bukja kola soj potrebna e manušenge te šaj te živinen. I temperatura ko okeanija sa poviše bajrola hem adaleske šaj but vrste životne te oven uništime“ (Inger Andersen, zamenička e generalno sekretareskiri ko Obedineta nacie hem direktorka ki Programa baši životno sredina ko ON, 25 juli 2023).

 Dali o vlade šaj te spojnen pe hem te rešinen akala problemija so isi ko celo sveto? Dali ka šaj te rešinen akala problemija zasekogaš?

 I Biblija kerela lafi baši jekh vlada koja so šaj hem koja so mangela te rešinel sa o ekološka problemija ki phuv. Oj vakerela kaj „o nebesno Devel ka vazdel carstvo“, javere lafencar ka čhivel jekh vlada koja so ka rešinel sa o problemija ko celo sveto (Daniel 2:44). Keda ka vladinel adava Carstvo, „poviše nane te kerel pe lošnipe hem nane te kerel pe šteta“, e manušenge, a ni e phuvjake (Isaija 11:9).